| fimmtudagurinn 25. oktˇberá2007

MenningarhßtÝ­in VeturnŠtur sett Ý dag

┴ 17. j˙nÝ ß ═safir­i
┴ 17. j˙nÝ ß ═safir­i
Menningarhátíðin Veturnætur á Ísafirði hefst í dag með friðargöngu frá Ísafjarðarkirkju að Silfurtorgi þar sem sungin verða vetrarljóð. Vestfirsku valkyrjurnar og Ólína Þorvarðardóttir munu setja Veturnætur. Einnig er á dagskránni í dag Sögusöngleikur KK og Einars Kárasonar í Edinborg, en dagskrána má nálgast í heild sinni á vefnum www.veturnaetur.is.  

Hausthátíðin Veturnætur var fyrst haldin fyrir 10 árum á Ísafirði og síðan endurvakin fyrir fjórum árum. Hún er jafnan haldin nálægt fyrsta vetrardegi. Hátíðin stendur í fjóra daga og á dagskránni eru m.a. tónleikar, myndlistarsýningar, húslestur og afmælisfögnuður í tilefni af stórafmæli Baldurs Geirmundssonar tónlistarmanns.
| sunnudagurinn 21. oktˇberá2007

Myndlistarsřning Ý safna­arheimilinu ß ═safir­i

Ísfirska myndlistarkonan SeSelia (Jónína S. Guðmundsdóttir) heldur þessa dagana sýningu í safnaðarheimili Ísafjarðarkirkju sem ber yfirskriftina Nær en blærinn. Er sýningin tileinkuð alþjóðlega geðheilbrigðisdeginum sem er 10. október ár hvert. Til sýnis eru 30 vatnslita teikningar sem sýna það sem allt mannkynið á sameiginlegt, tilfinningarnar. Sýningin stendur út október og er opin á opnunartíma kirkjunnar. Aðgangur er ókeypis.
| fimmtudagurinn 18. oktˇberá2007

Umsˇknarfrestur Ý Safnasjˇ­ til 1. nˇvember

Safnasjóður hefur auglýst eftir umsóknum um styrki úr sjóðnum fyrir árið 2008. Sjóðurinn sem er í umsjón Safnaráðs veitir tvenns konar styrki, rekstrarstyrki til safna sem uppfylla ákveðnar reglur um umfang starfseminnar samkvæmt 10. grein safnalaga, en öll söfn sem falla undir safnalög samkvæmt 4. grein laganna geta sótt um verkefnastyrki. Safnasjóður styrkir menningarminjasöfn, náttúruminjasöfn og listasöfn.

Safnaráð úthlutar úr sjóðnum samkvæmt safnalögum og úthlutunarreglum ráðsins, en upphæð og fjöldi veittra styrkja fer eftir fjárveitingu á fjárlögum og umsóknum. Umsóknarfrestur er til 1. nóvember 2007 og á að skila umsóknum á þar til gerðum umsóknareyðublöðum. Allar nánari upplýsingar, umsóknareyðublað og safnalögin má nálgast á vefsíðu Safnaráðs - www.safnarad.is.

Svipmynd