Menntamálaráðuneytið hefur auglýst eftir umsóknum um styrki úr tónlistarsjóði til verkefna sem efnt verður til á tímabilinu janúar til ágúst 2008. Næst verður auglýst eftir umsóknum í maí 2008 vegna verkefna á síðari hluta ársins 2008. Umsóknarfrestur rennur út mánudaginn 19. nóvember 2007. Hlutverk tónlistarsjóðs er að efla íslenska tónlist og stuðla að kynningu á íslenskum tónlistarmönnum og tónsköpun þeirra. Sjóðurinn skiptist í tvær deildir, tónlistardeild og markaðs- og kynningardeild. Nánari upplýsingar um hlutverk sjóðsins, úthlutunarreglur, umsóknir og mat á þeim eru á vef mennamálaráðuneytis.

Við mat á umsóknum er m.a. tekið tillit til listræns gildis og mikilvægis verkefnis fyrir almenna tónlistarstarfsemi og eflingu íslenskrar tónlistar, gildi og mikilvægis verkefnis fyrir kynningu og markaðssetningu íslenskrar tónlistar, starfsferils, faglegs og/eða listræns bakgrunns umsækjanda og fjárhagsgrundvallar verkefnisins. Umsóknum skal skila á þar til gerðum eyðublöðum sem fást í menntamálaráðuneyti eða á vef þess.
TˇnlistarlÝf er Ý blˇma ß Vestfj÷r­um
TˇnlistarlÝf er Ý blˇma ß Vestfj÷r­um
Þann 15. október rennur út frestur til að sækja um styrk úr Barnamenningarsjóði þetta árið. Meginhlutverk sjóðsins sem er í vörslu Menntamálaráðuneytisins er að styrkja verkefni á sviði barnamenningar. Til barnamenningar teljast verkefni á sviði lista og menningar sem unnin eru fyrir börn og/eða með virkri þátttöku barna. Umsóknir skulu berast menntamálaráðuneytinu, Sölvhólsgötu 4, 150 Reykjavík, í síðasta lagi 15. október 2007. Umsóknareyðublöð fást hjá menntamálaráðuneytinu og á vef ráðuneytisins.
| ■ri­judagurinn 9. oktˇberá2007

Edinborgarh˙si­ opnar nřja heimasÝ­u

Edinborgarhúsið á Ísafirði hefur opnað nýja heimasíðu sem ætlað er að vera upplýsingasíða yfir starfsemi í húsinu og þá viðburði sem framundan eru. Þar er einnig hægt að fræðast um sögu hússins og fleira. Jón Sigurpálsson sem er í stjórn Edinborgarhússins opnaði síðuna ásamt Magnúsi Hávarðarsyni frá Netheimum, sem hannaði síðuna. Slóðin á nýju vefsíðuna er www.edinborg.is.  

Svipmynd