Styrk˙thlutanir

Opnað hefur verður fyrir umsóknir í Uppbyggingarsjóð Vestfjarða.

Sótt er um á vefnum www.sóknaráætlun.is. Þar þarf að skrá sig inn með Íslykli eða rafrænum skilríkjum.

Umsóknarfrestur rennur út á miðnætti mánudagsins 12. nóvember 2018

Þá tekur úthlutunarnefnd til starfa og fer yfir umsóknirnar. Niðurstaðna er að vænta um miðjan desember. 

 

Að jafnaði er litið til verkefna sem efla nýsköpun og atvinnuþróun á svæðinu, stuðla að vöru- og gæðaþróun í starfandi fyrirtækjum, verkefni sem mynda atvinnutækifæri og auka fagmennsku á sviði lista og menningar, verkefni sem styðja við uppbyggingu og eflingu menningartengdrar ferðaþjónustu og síðast en ekki síst verkefni sem eru gjaldeyrisskapandi. 

 

Við úthlutun 2019 er litið sérstaklega til umsókna um styrki er varða: 


a) Verkefni sem stuðla að búsetu ungs fólks á Vestfjörðum. 

b) Verkefni sem efla samstarf á milli svæða á Vestfjörðum.  

 

Uppbyggingarsjóður er hluti af Sóknaráætlunar Vestfjarða. Hann er í umsjón Vestfjarðastofu í umboði Fjórðungssambands Vestfirðinga. Sjóðurinn veitir styrki til menningar, atvinnuþróunar og nýsköpunar. Uppbyggingarsjóður varð til með samningi ríkis og Fjórðungssambands Vestfirðinga um Sóknaráætlun Vestfjarða 2015-2019 sem undirritaður var 10. febrúar 2015. Sérstök níu manna úthlutunarnefnd Uppbyggingarsjóðs sér um að fara yfir umsóknir og úthluta styrkjum, á grundvelli Sóknaráætlunar Vestfjarða, áherslna og úthlutunarreglna, auk gæða umsókna og verkefna. Í úthlutun ársins 2019 verður væntanlega úthlutað allt að 50 milljónum króna úr sjóðnum.

 

Heimilt er að sækja um framlag til allt að þriggja ára, enda sé styrkupphæð hærri en 1,5 milljón kr. árlega. Styrkjum til lengri tíma en eins árs verður úthlutað með fyrirvara um að Sóknaráætlun verði framlengd eftir árið 2019. 

  

Vel gerð og ítarleg umsókn eykur möguleikana á styrk og nauðsynlegt er að kynna sér úthlutunarreglur vandlega. Mikilvægt er að gefa sér góðan tíma til að vinna að umsókn og gera hana sem best úr garði, þannig að árangur náist. Umsækjendum er bent á að taka afrit af umsóknargögnum.  

 

Starfsmenn Vestfjarðastofu veita ráðgjöf við gerð umsókna. Sendið póst á netfangið uppbygging@vestfirdir.is

 

Leiðbeiningar um styrkumsóknir

 

Úthlutunarreglur Uppbyggingarsjóðs Vestfjarða árið 2019 (pdf-skjal)

 

Auk úthlutunarreglna skulu umsækjendur taka mið af Sóknaráætlun Vestfjarða og samningi um sóknaráætlun:

Svipmynd

LÝna Bj÷rg Tryggvadˇttir, verkefnastjˇri bygg­a■rˇunardeildar