Laus eru til umsóknar þrjú störf í dægradvöl á Ísafirði. Störfin eru tímabundin frá 12. ágúst nk. til 6. júní 2025. Annars vegar er um að ræða tvö störf stuðningsfulltrúa og hins vegar eitt starf frístundaleiðbeinanda. Vinnutíminn er frá 13:00 til 16:00 (42% starfshlutfall) alla virka daga. Næsti yfirmaður er forstöðumaður dægradvalar. Störfin eru afar skemmtileg, lífleg og gefandi.
Helstu verkefni:
- Þátttaka í uppeldisstarfi þar sem megináhersla er lögð á velferð og vellíðan barns/barna
- Full þátttaka í öllu dagskipulagi dægradvalar og frístundar
- Samstarf við foreldra
Menntunar- og hæfniskröfur
- Nám í uppeldis- eða tómstundafræðum æskilegt (frístundaleiðbeinandi)
- Nám fyrir stuðningsfulltrúa eða sambærilegt nám æskilegt (stuðningsfulltrúi)
- Reglusemi
- Jákvæðni og lipurð í samskiptum
- Frumkvæði í starfi og sveigjanleiki
- Sjálfstæð og skipulögð vinnubrögð
- Góð íslenskukunnátta skilyrði
- Starfsreynsla á frístundasviði kostur
- Vera orðin(n) 18 ára
Launakjör eru samkvæmt samningum launanefndar sveitarfélaga við Kjöl/VerkVest.
Umsóknarfrestur er til og með 24. júní 2024. Umsóknum skal skilað til Evu Maríu Einarsdóttur, forstöðumanns, í netfangið evaei@isafjordur.is. Með umsókn skal fylgja ferilskrá.
Nánari upplýsingar um starfið veitir Eva María í síma: 450-8059 eða í gegnum tölvupóst.
Við hvetjum áhugasama, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.
-Við þjónum með gleði til gagns-