Fara í efni

Markaðs- og áfangastaðastofa

Vestfjarðastofa sinnir ferðaþjónustu svæðisins undir merkjum Markaðsstofu Vestfjarða og Visit Westfjords. Verkefni í tengslum við ferðaþjónustu eru unnin í  samstarfi við sveitarfélögin á svæðinu sem og ferðaþjónustufyrirtækin. 

Markaðsstofa Vestfjarða starfar sem deild innan Vestfjarðastofu og sinnir markaðssetningu, innviðamálum og stefnumótun ferðaþjónustu svæðisins. Helstu hlutverk Markaðsstofu Vestfjarða eru:

  • Kynning svæðisins
  • Umsjón með heimasíðu og samfélagsmiðlum (www.westfjords.is)
  • Útgáfa kynningarefnis, bæklinga og korta
  • Blaðamannaferðir í samstarfi við Íslandsstofu
  • Ferðasýningar á lykilmörkuðum
  • Gerð og eftirfylgni áfangastaðaáætlunar 

Markaðsstofa Vestfjarða hélt utan um vinnu við Áfangastaðaáætlun Vestfjarða, en sú áætlun var gefin út seinni hluta árs 2018, en unnar hafa verið uppfærslur á samantekt 2020 og 2022. Í Áfangastaðaáætluninni er sett fram heilsteypt stefna fyrir svæðið í ferðaþjónustu. 

Starfsmaður

Sölvi Guðmundsson

Sölvi Guðmundsson

Teymisstjóri - Markaður og menning

Tengd verkefni

Tengdar fréttir

Markaðsstofa Vestfjarða á World Travel Market í London

Markaðsstofa Vestfjarða á World Travel Market í London

Markaðsstofa Vestfjarða ásamt fulltrúum Íslandsstofu og annarra markaðsstofa á landinu tóku þátt í hinni árlegu ferðasýningu World Travel Market (WTM) í London dagana 5.–7. nóvember. Sýningin sem var haldin í Excel sýningarhöllinni í London er ein stærsta ferðasýning heims. Laðaði hún að sér um 46.000 gesti alls staðar að úr heiminum, þar á meðal 5.049 kaupendur og yfir 4.000 sýnendur.
19. nóvember 2024
20 milljónir til eflingar vetrarferðaþjónustu á Vestfjörðum

20 milljónir til eflingar vetrarferðaþjónustu á Vestfjörðum

Lilja Dögg Alfreðsdóttir, ferðamálaráðherra fyrir hönd Menningar- og viðskiptaráðuneytis hefur undirritað samning við Vestfjarðastofu um þróun vetrarferðaþjónustu á Vestfjörðum. Um er að ræða 20 milljóna króna stuðning til tveggja ára við verkefni sem miðar að því að lengja ferðamannatímabilið á svæðinu.
25. október 2024
Menningarfulltrúar á Vestfjarðaleið

Menningarfulltrúar á Vestfjarðaleið

Menningarfulltrúar landshlutanna hittust á haustfundi á dögunum og óku Vestfjarðaleiðina.
19. september 2024
Beint frá býli dagurinn á sunnudag

Beint frá býli dagurinn á sunnudag

Á sunnudag verður Beint frá býli dagurinn haldinn hátíðlegur á Sauðfjársetrinu á Ströndum. Heimavinnsluaðilar og smáframleiðendur matvæla úr landshlutanum mæta á Sævang til að kynna og selja vörur sínar á matarmarkaði. Boðið verður upp á kjötsúpu og kaffihlaðborð í Sauðfjársetrinu. Hið stórskemmtilega Íslandsmeistaramót í hrútadómum fer einnig þar fram.
16. ágúst 2024
Líflegur fundur ferðamálaráðherra á Ísafirði

Líflegur fundur ferðamálaráðherra á Ísafirði

Í dag var Lilja Dögg Alfreðsdóttir ferðamálaráðherra með umræðu- og kynningarfund um ferðamálastefnu og aðgerðaáætlun til 2030 í Edinborgarhúsinu á Ísafirði. Þar var kynnt sú vinna sem hefur átt sér stað við að gera aðgerðabundna ferðamálastefnu – þá fyrstu sinnar tegundar hér á landi.
04. mars 2024
Meiriháttar Mannamót

Meiriháttar Mannamót

Það var líf og fjör á ferðakaupstefnunni Mannamótum Markaðsstofanna sem fram fóru í gær í Kórnum í Kópavogi. Markaðsstofa Vestfjarða var eðli málsins samkvæmt á staðnum og með henni 15 samstarfsaðilar hennar víðsvegar af Vestfjörðum sem notuðu tímann vel við að kynna vörur sínar og þjónustu.
19. janúar 2024
Fundur Sóknarhóps Vestfjarðastofu: Hvernig eflum við ímynd Vestfjarða?

Fundur Sóknarhóps Vestfjarðastofu: Hvernig eflum við ímynd Vestfjarða?

Fimmtudaginn 16. nóvember 2023 verður fyrsti fundur Sóknarhóps Vestfjarðastofu, sem er nýr vettvangur atvinnu- og byggðaþróunar auk Markaðsstofu Vestfjarða. Hugmyndin er að ná saman fyrirtækjum á Vestfjörðum og skapa þannig samstarfsvettvang til að vinna enn betur að hagsmunum fyrirtækja á Vestfjörðum.
14. nóvember 2023
Vestfirðir á WTM í London

Vestfirðir á WTM í London

Vestfirðir voru með fulltrúa á einni af stærri ferðasýningum heims í síðustu viku. Ferðasýningin World Travel Market eða WTM var haldin í London dagana 6-8. nóvember og var þar að finna sérstakan þjóðarbás Íslands, sem Íslandsstofa hélt utan um.
14. nóvember 2023