Fara í efni

Umhverfis og loftslagsmál

Vestfjarðastofa starfar náið með sveitarfélögunum á Vestfjörðum að umhverfismálum, enda hafa Vestfirðir einsett sér að standa framarlega í umhverfismálum.

Á sviði umhverfis- og loftslagsmála er nú unnið að gerð loftslagsstefnu sem er lagaskylda sveitarfélaganna. Hluti af gerð loftslagsstefnu er gerð áætlunar um orkuskipti Recet, áætlunar um kolefnisjöfnun, innleiðing rafræns græns bókhalds og úttekt á kolefnisspori Vestfjarða.

Vestfjarðastofa hefur einnig með höndum verkefni á sviði hringrásarhagkerfisins  og var gerð svæðisáætlunar um úrgang lokið árið 2024. Við tók eftirfylgni svæðisáætlunar sem úrgangsráð Vestfjarða og hringrásarfulltrúi sinna.

Vestfjarðastofa heldur utan um verkefnið Græn skref en verkefnið snýst um að minnka kolefnisspor sveitarfélaganna, efla umhverfisvitund og styðja við gerð loftlagsstefnu.

Vestfjarðastofa sinnir ýmsum öðrum umhverfimálum.Til dæmis með þátttöku í gerð svæðisskipulags Vestfjarða og má þar nefna umfjöllun um þjóðgarða og friðuð svæði, skógrækt, líffræðilega fjölbreytni, loftslagsaðlögun og endurheimt vistkerfa.

Starfsmaður

Hjörleifur Finnsson

Hjörleifur Finnsson

Verkefnastjóri

Tengd skjöl

Svæðisáætlun um meðhöndlun úrgangs á Vestfjörðum 2024-2035
Þjóðgarðar á Vestfjörðum
Málþing: Af hverju orkuskipti? Loftslags- og orkuskiptaáætlanir sveitafélaga
Kolefnisjöfnun á Vestfjörðum 
Kynningarbæklingur um kolefnisjöfnun á Vestfjörðum 

Tengd verkefni

Tengdar fréttir

Útgáfa: Kolefnisjöfnun á Vestfjörðum

Útgáfa: Kolefnisjöfnun á Vestfjörðum

Sveitarfélögin á Vestfjörðum hafa nú í nokkurn tíma undirbúið gerð loftslagsstefnu sem mun setja markmið og aðgerðaáætlun um orkuskipti og samdrátt í losun gróðurhúsalofttegunda. En í lögum um lofslagsmál er einnig gerð krafa um að gerð sé áætlun um kolefnisjöfnun, þ.e að sú losun sem ekki tekst að eyða verði kolefnisjöfnuð. Hjá Vestfjarðastofu var ákveðið með tilliti til þessa að taka saman skýrslu um málið sem nú er komin út. Verkefnið fékk styrk frá umhverfis-, orku- og loftslagsráðuneyti til kaupa á ráðgjöf við skýrslugerðina sem fengin var hjá Verkís, en verkið var að mestu unnið af Vestfjarðastofu.
20. desember 2024
Svæðisáætlun um úrgang hefur tekið gildi

Svæðisáætlun um úrgang hefur tekið gildi

Öll sveitarfélög á Vestfjörðum hafa samþykkt Svæðisáætlun um meðhöndlun úrgangs á Vestfjörðum 2024-2035, og hefur hún því tekið gildi. Frá því á Fjórðungsþingi Vestfirðinga 2022 á Patreksfirði hefur verið unnið að gerð hennar skv. samþykkt þess og lögum um meðhöndlun úrgangs nr. 55/2003. Vinnuhópur sveitarfélaganna tók til starfa við gerð áætlunarinnar haustið 2023 undir stjórn verkefnastjóra umhverfis- og loftslagsmála ásamt utanaðkomandi ráðgjafa.
16. desember 2024
Vestfirðingar heimsóttu fyrirmyndareyjuna Samsö

Vestfirðingar heimsóttu fyrirmyndareyjuna Samsö

Í byrjun mars hélt fríður flokkur Vestfirðinga til eyjunnar Samsö í Danmörku, sem hefur getið sér gott orð fyrir góðan árangur í loftslagsmálum. Verkefnastjórn RECET (Rural Europe for Clean Energy Transition) sem Vestfjarðastofa er aðili að bauð til ferðarinnar. Auk starfsfólks Vestfjarðastofu fór í ferðina sveitarstjórnarfólk á Vestfjörðum frá sveitarfélögum sem taka þátt í RECET.
20. mars 2024
Áskoranir sveitarfélaga í loftslagsmálum

Áskoranir sveitarfélaga í loftslagsmálum

Stefán Gíslason, framkvæmdastjóri Environice kom fram á málþinginu Af hverju orkuskipti: Loftslags- og orkuskiptaáætlanir sveitarfélaga sem haldið var í Edinborgarhúsinu á Ísafirði þann 8. febrúar. Í erindi sínu fjallaði hann um áskoranir sveitarfélaga og talaði meðal annars um ábyrgð þeirra við að skapa framtíð og vera fyrirmyndir. Benti hann á helstu áskoranir vegna loftslagsbreytinga: hækkandi sjávarborði, öfgum í veðurfari, aukinni flóðahættu, breytingum á lífríki, þjóðflutningum og lýðheilsu.
15. febrúar 2024
Mikilvægt að tryggja fjölbreytt áhættumat vegna loftslagsbreytinga

Mikilvægt að tryggja fjölbreytt áhættumat vegna loftslagsbreytinga

Theódóra Matthíasdóttir, sérfræðingur á skrifstofu loftslagsþjónustu og aðlögunar hjá Veðurstofu Íslands hélt erindi á málþinginu Af hverju orkuskipti: Loftslags- og orkuskiptaáætlanir sveitarfélaga, sem fram fór í Edinborgarhúsinu á Ísafirði þann 8. febrúar. Erindi hennar bar titilinn Áhrif loftslagsbreytinga á Íslandi – glóðvolgar niðurstöður Vísindanefndar um loftslagsbreytingar.
14. febrúar 2024
Áhrif loftslagsbreytinga á hafið og auðlindir þess

Áhrif loftslagsbreytinga á hafið og auðlindir þess

Guðbjörg Ásta Ólafsdóttir, forstöðumaður Rannsóknaseturs Háskóla Íslands á Vestfjörðum var með erindi á málþinginu Af hverju orkuskipti: Loftslags- og orkuskiptaáætlanir sveitarfélaga sem nefnist Áhrif loftslagsbreytinga á hafið og auðlindir þess. Hér má hlýða á erindið.
13. febrúar 2024
Vel heppnað orkuskiptamálþing á Ísafirði

Vel heppnað orkuskiptamálþing á Ísafirði

Í gær fór fram í Edinborgarhúsinu á Ísafirði málþingið Af hverju orkuskipti – loftslags- og orkuskiptaáætlanir sveitarfélaga. Góð mæting var og almenn ánægja með það sem þar fór fram meðal þátttakenda. Flutt voru sex ólík erindi um loftslagsbreytingar og nauðsynleg viðbrögð við þeim. Í lokin voru pallborðsumræður með fyrirlesurum þar sem mikið var rætt um álitamál í samhengi við hlutverk sveitarfélaga í málaflokknum.
09. febrúar 2024
Trékyllisheiði. Ljósm. Skúli Gautason

Þriggja fasa rafmagn komið í Djúpavík

Íbúar Árneshrepps líta björtum augum fram á við.
16. nóvember 2021