Fara í efni

Visit Westfjords

Visit Westfjords
Markaðsstofa Vestfjarða er deild innan Vestfjarðastofu sem sinnir málum ferðaþjónustu á Vestfjörðum, jafnt stefnumótun, innviðamálum sem og markaðssetningu Vestfjarða sem áfangastaðar ferðamanna. 

Eitt helsta verkefni Markaðsstofu Vestfjarða er markaðssetning svæðisins til erlendra ferðamanna og er það gert undir merkjum Visit Westfjords. Markaðsstofa Vestfjarða annast útgáfu kynningarefnis um svæðið, bæklinga og korta, en heldur jafnframt úti vefsíðunni www.westfjords.is og samfélagsmiðlum. 
Markaðsstofa Vestfjarða heldur utan um blaðamannaferðir á svæðinu og tekur þátt í ferðasýningum þar sem horft er til lykilmarkaða og markhópa vestfirskrar ferðaþjónustu. 

Jafnframt sinnir Markaðsstofa Vestfjarða verkefni ferðamannaleiðarinnar Vestfjarðaleiðin. 

Hægt er að óska eftir skráningu í Markaðsstofu Vestfjarða hér.

Starfsmaður verkefnis

Sölvi Guðmundsson

Sölvi Guðmundsson

Teymisstjóri - Markaður og menning
Steinunn Ása Sigurðardóttir

Steinunn Ása Sigurðardóttir

Verkefnastjóri
Vilborg Pétursdóttir

Vilborg Pétursdóttir

Verkefnastjóri

Tengdar fréttir

Starfsfólk MAS ásamt ferðamálastjóra. Mynd úr safni.

MV fundaði með ferðamálastjóra, atvinnuvegaráðuneyti og stoðkerfi ferðaþjónustunnar

Markaðsstofur landshlutana héldu saman á fund Arnars Más Ólafssyni ferðamálastjóra og Ingvars Más Pálssonar skrifstofustjóra viðskipta og ferðamála í síðustu viku. Markmið fundarins vara að skerpa á samstarfinu og mikilvægi markaðsstofa landshlutanna í stoðkerfinu. Forsvarsfólk markaðsstofanna er tenging stoðkerfis ferðamála út á land og ein besta leið fyrir þá sem starfa innan þess til að heyra raddir landsbyggðarinnar.
05. febrúar 2025
Vestfirðir kynntir á Icelandair Mid Atlantic

Vestfirðir kynntir á Icelandair Mid Atlantic

Dagana 30.-31. janúar var ferðakaupstefna Icelandair Mid Atlantic haldin í 30. sinn. Viðburðinn sóttu um 700 alþjóðlegir kaupendur og seljendur, flestir seljendur komu frá Íslandi, en einnig voru margir frá Færeyjum, Grænlandi og Bandaríkjunum. Kaupendurnir komu víðar að helst úr Vestur-Evrópu og Bandaríkjunum, en þó voru einhverjir sem komu lengra að, sumir alla leið frá Indlandi.
04. febrúar 2025
Markaðsstofa Vestfjarða á Mid-Atlantic

Markaðsstofa Vestfjarða á Mid-Atlantic

Sölvi og Vilborg hjá Markaðsstofu Vestfjarða halda brátt suður yfir heiðar til þátttöku á ferðakaupstefnunni Icelandair Mid-Atlantic. Sýningin er nú haldin þrítugasta sinn og er hún veigamikill liður í landkynningu Norður-Atlantshafseyjanna þriggja til erlendra kaupenda sem vilja senda ferðafólk til Íslands, Færeyja og Grænlands.
29. janúar 2025
Aðsóknarmet á Mannamót

Aðsóknarmet á Mannamót

Mannamót Markaðsstofa landshlutanna voru haldin með pompi og prakt 16. janúar síðastliðinn í Kórnum í Kópavogi. Ferðasýningin var í ár haldin í ellefta sinn og hefur hún vaxið og dafnað með hverju árinu.
21. janúar 2025
Mannamót í Kórnum á morgun

Mannamót í Kórnum á morgun

Mannamót Markaðsstofa landshlutanna verða haldin á morgun 16. janúar í Kórnum í Kópavogi. Margir þekkja orðið mannamótin þar sem þau eru árviss ferðakaupstefna markaðstofanna í landinu.
15. janúar 2025
Ferðaþjónustuvikan hófst í dag

Ferðaþjónustuvikan hófst í dag

Ferðaþjónustuvikan 2025 hófst í dag og stendur hún fram á fimmtudag. Viðburðurinn er ekki nýr af nálinni og sem fyrr er þar lögð áhersla á að auka vitund um mikilvægi ferðaþjónustu og efla samstarf og fagmennsku í greininni með fróðlegri og skemmtilegri dagskrá. Aðstandendur Ferðaþjónustuvikunnar eru Markaðsstofur landshlutanna, Íslenski ferðaklasinn, Samtök ferðaþjónustunnar, Ferðamálastofa og Íslandsstofa.
14. janúar 2025
Árangur markaðs- og áfangastaðastofa vekur athygli

Árangur markaðs- og áfangastaðastofa vekur athygli

Árlegur fundur Markaðsstofa landshlutanna og Ferðamálastofu var haldinn 13. desember á Hilton Reykjavík Nordica. Markmið fundarins er að fara yfir samstarf og samstarfsfleti stofnananna og endurnýjun á samningum.
17. desember 2024
Markaðsstofa Vestfjarða á World Travel Market í London

Markaðsstofa Vestfjarða á World Travel Market í London

Markaðsstofa Vestfjarða ásamt fulltrúum Íslandsstofu og annarra markaðsstofa á landinu tóku þátt í hinni árlegu ferðasýningu World Travel Market (WTM) í London dagana 5.–7. nóvember. Sýningin sem var haldin í Excel sýningarhöllinni í London er ein stærsta ferðasýning heims. Laðaði hún að sér um 46.000 gesti alls staðar að úr heiminum, þar á meðal 5.049 kaupendur og yfir 4.000 sýnendur.
19. nóvember 2024