Púkinn er barnamenningarhátíð sem haldin er um alla Vestfirði. Hátíðin var haldin í fyrsta sinn í september 2023 og aftur í smækkaðri mynd vorið 2024. Púkinn er vettvangur fyrir vestfirsk börn að kynnast listum og menningu á fjölbreyttan hátt og einnig er hann kjörinn til allra handa samstarfs innan svæðisins. Púkinn er hugsaður sem vettvangur fyrir menningu með börnum, menningu fyrir börn og menningu sem börn skapa sjálf.
Grunnskólabörn á Vestfjörðum völdu nafnið Púkinn fyrir hátíðina. Er það vel við hæfi því á mörgum stöðum innan fjórðungsins hafa börn gjarnan verið kölluð púkar, þá ekki í neinni niðrandi merkingu heldur einvörðungu sem annað heiti yfir börn.
Púkinn verður haldinn í þriðja sinn dagana 31.mars - 11. apríl 2025. Vestfjarðastofa sinnir verkefnisstjórn hátíðarinnar en framkvæmdaaðilar viðburða eru menningarstofnanir, skólar og einstaklingar á Vestfjörðum.
Hátíðin er styrkt af Barnamenningarsjóði.
Púkinn á sérstakan vef. Þar er hægt að sjá dagskrá hátíðarinnar og eins er hægt að skoða myndir og minningar frá fyrri hátíðum. Heimasíða Púkans
