Grunnskólinn á Ísafirði auglýsir starf deildarstjóra á unglingastigi laust til umsóknar. Um er að ræða 100% starf frá 1. ágúst 2024, en hluti starfsins felur jafnframt í sér hefðbundna kennslu á unglingastigi. Leitað er eftir metnaðarfullum og drífandi kennara sem sýnir frumkvæði í starfi.
Skólinn er byggður sem einsetinn skóli með um það bil 380 nemendur og fer öll kennsla fram undir sama þaki, utan íþrótta- og sundkennslu. Undanfarin ár hefur skólinn unnið eftir uppbyggingarstefnunni Uppeldi til ábyrgðar og innleitt kennsluaðferðir leiðsagnarnáms. Skólinn er í góðu og öflugu samstarfi við íþróttahreyfinguna og listaskóla bæjarins en á Ísafirði er fjölbreytt samfélag þar sem hreyfing og menning skipa stóran sess.
Helstu verkefni og ábyrgð:
- Umsjón með deildarfundum unglingastigs, boðun funda, umsjón með dagskrá og fundarritun og eftirfylgni ákvarðana
- Kemur að skipulagningu viðburða er varða unglingastigið, í samstarfi með kennurum
- Kennsla á unglingastigi
- Er tengiliður skólans við nemendaráð, samtök nemenda og félagsmiðstöð
- Er milligöngumaður varðandi félagslíf nemenda 8.-10. bekkjar innan skólans
- Aðkoma að agamálum, fundar með kennurum, nemendum og foreldrum eftir því sem við á
- Tengiliður við námsráðgjafa hvað varðar verkefni á unglingastigi
- Situr fundi nemendaverndarráðs
- Umsjón með valgreinum
- Fylgist með að kennsluáætlanir séu gerðar og aðgengilegar
- Skrifar skýrslu um starf skólaársins
Menntunar og hæfniskröfur
- Kennaramenntun
- Leiðtogahæfni
- Framúrskarandi hæfni í mannlegum samskiptum og sveigjanleiki
- Frumkvæði og metnaður
- Skipulagshæfni og nákvæmni í vinnubrögðum
- Hæfni til að tjá sig í ræðu og riti á íslensku, önnur tungumál kostur
- Góð almenn tölvukunnátta
Launakjör eru samkvæmt samningum launanefndar sveitarfélaga við KÍ.
Umsóknum skal skilað til Kristjáns Arnars Ingasonar skólastjóra á netfangið kristjanin@isafjordur.is. Með umsókn skal fylgja ferilskrá og leyfisbréf. Umsóknarfrestur er til og með 22. maí 2024.
Allar nánari upplýsingar veitir Kristján Arnar í síma 450-8300 eða í gegnum tölvupóst.
Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.
-Við þjónum með gleði til gagns-