Ísafjarðarbær auglýsir laust til umsóknar 100% starf íþrótta- og æskulýðsfulltrúa hjá sveitarfélaginu. Um er að ræða fjölbreytt og áhugavert starf í ört vaxandi sveitarfélagi.
Íþrótta- og æskulýðsfulltrúi vinnur að uppbyggingu íþróttamála í bæjarfélaginu og vinnur náið með aðildarfélögum HSV að framgangi íþróttagreina. Hann kemur að því að skapa gott umhverfi fyrir öfluga íþrótta-, tómstunda- og forvarnarstarfsemi og tryggja öflug tengsl milli bæjarfélagsins og hagsmunahópa á þessu sviði svo sem íþróttafélög, unglinga og foreldra þeirra. Íþrótta- og æskulýðsfulltrúi starfar á skóla- og tómstundasviði bæjarins og næsti yfirmaður er sviðsstjóri.
Leitað er eftir öflugum og drífandi einstaklingi sem sýnir frumkvæði og metnað í starfi. Æskilegt er að viðkomandi geti hafið störf sem fyrst.
Helstu verkefni:
- Yfirumsjón með málaflokknum í umboði sviðsstjóra skóla- og tómstundasviðs og skóla-, íþrótta- og tómstundanefndar
- Umsjón og eftirlit með samningum Ísafjarðarbæjar um íþrótta- og tómstundamál og framkvæmd þeirra
- Samskipti við forstöðumenn íþróttamannvirkja
- Umsjón með starfi og skipulagningu vinnuskóla
- Undirbýr fundi skóla-, íþrótta- og tómstundanefndar í samvinnu við aðra starfsmenn
- Samskipti við íþróttafélögin / aðildarfélög HSV og aðra sem koma að íþróttastarfi
- Yfirumsjón með verkefninu Heilsueflandi samfélag
- Úthlutar tímum í íþróttamannvirkjum í samstarfi við formenn félaga
- Skipulagning dagatala v. mótahalds og breytingar á þeim
- Umsjón með íþróttaskóla
- Samskipti við sérsamböndin, UMFÍ og ÍSÍ
- Vera stjórn HSV innan handar, mætir á stjórnarfundi þegar þess er óskað
Menntun og hæfni:
- Háskólamenntun sem nýtist í starfi
- Framhaldsmenntun á háskólastigi kostur
- Góð hæfni í mannlegum samskiptum og sveigjanleiki
- Góð þekking á íþróttamálum og ástríða fyrir íþróttum
- Frumkvæði og sjálfstæði
- Skipulagshæfni og nákvæmni í vinnubrögðum
- Hæfni til að tjá sig í ræðu og riti á íslensku, önnur tungumálakunnátta kostur
- Jákvæðni, rík þjónustulund og sveigjanleiki
- Góð almenn tölvukunnátta ásamt grunnþekkingu í að vinna með heimasíður
Launakjör eru skv. kjarasamningi launanefndar sveitarfélaga og viðkomandi stéttarfélags.
Nánari upplýsingar um starfið veitir Hafdís Gunnarsdóttir sviðsstjóri skóla- og tómstundasviðs í gegnum tölvupóst (hafdisgu@isafjordur.is) eða í síma 450-8000.
Umsóknarfrestur er til og með 4. janúar 2024. Umsóknir, afrit af prófskírteinum, ferilskrá og kynningarbréf skulu sendar til mannauðsstjóra á netfangið baldurjo@isafjordur.is. Umsókn getur gilt í 6 mánuði.
Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.
-Við þjónum með gleði til gagns-