24. júlí 2024
Störf í boði
Blámi óskar eftir að ráða verkefnastjóra á sunnanverða Vestfirði. Leitað er að öflugum einstaklingi til að halda utan um valin verkefni Bláma, sérstaklega á sunnanverðum Vestfjörðum. Verkefnastjóri vinnur þétt með framkvæmdastjóra Bláma og ber ábyrgð á framgangi verkefna í samræmi við áætlun, framkvæmdastjórn og stjórn. Starfsstöð verkefnastjóra er á Patreksfirði.
Blámi er í eigu Umhverfis -, Orku og Loftlagsráðuneytisins, Landsvirkjunar, Orkubús Vestfjaða og Vestfjarðastofu. Hlutverk Bláma er að styðja við verðmætasköpun á Vestfjörðum á grunni orkuskipta og nýtingu á vistænum orkugjöfum.
Helstu verkefni og ábyrgð
- Verkefnastjórn valinna verkefna Bláma með áherslu á orkunýtingu, orkuskipti og verðmætasköpun
- Þróa öflugt samstarf við hagsmunaaðila á sunnanverðum Vestfjörðum
- Aðstoð við að koma verkefnum Bláma á framfæri
- Mótun og fjármögnun nýrra verkefna á starfssvæði Bláma
- Önnur tilfallandi verkefni
Menntunar- og hæfniskröfur
- Háskólamenntun sem nýtist í starfi (t.d. verkfræði, tæknifræði, viðskiptafræði o.fl.)
- Starfsreynsla sem nýtist í starfi
- Hæfni til að tjá sig í ræðu og riti á íslensku og ensku
- Reynsla af gerð styrkumsókna í innlenda og erlenda sjóði er kostur
- Reynsla af verkefnastjórn kostur