Heilbrigðisstofnun Vestfjarða - Sjúkraliði á heilsugæslu

Heilbrigðisstofnun Vestfjarða á Ísafirði óskar að ráða sjúkraliða á heilsugæslustöðina á Ísafirði.

Á Heilbrigðisstofnun Vestfjarða starfa um 270 manns sem veita almenna heilbrigðisþjónustu á heilsugæslu-, hjúkrunar- og sjúkrasviði. Heilsugæslustöðvar eru á Ísafirði og Patreksfirði og heilsugæslusel í öllum byggðakjörnum heilbrigðisumdæmisins. Nánari upplýsingar um starfsemi stöðvarinnar má finna á vef stofnunarinnar www.hvest.is.

Sjúkraliði sinnir fjölbreyttum störfum sem til falla á heilsugæslu. Má þar nefna mæling lífsmarka, spirometriur, holter rannsóknir, ljósameðferðir, panta vörur, annast sótthreinsun. túlkun og fleira.

• Starfsleyfi sem sjúkraliði
• Góð samskiptahæfni, jákvæðni og rík þjónustulund
• Samviskusemi, stundvísi og sjálfstæð vinnubrögð
• Faglegur metnaður og ábyrgð í starfi
• Reynsla af sambærilegu starfi er kostur
• Hæfileiki til að vinna í teymi
• Góð íslensku- og enskukunnátta er skilyrði

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Boðið er upp á góða aðlögun í upphafi starfs.

Með umsókn skal fylgja ferilskrá og fylgibréf þar sem gert er grein fyrir hæfni og áhuga á starfinu og staðfestar upplýsingar um menntun. Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum.

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í allt að 6 mánuði.