Fréttir

Elfar Logi Hannesson, leikari á Ísafirði hefur verið tilnefndur til menningarverðlauna DV.Tilnefninguna hlýtur hann fyrir einleikjahátíðina Act Alone.

Sunnudaginn 2.mars kl 14:00 verður opnuð ljósmyndasýningin "Alþýðulistamaðurinn Sigurgeir Bjarni Halldórsson" í Safnahúsinu á Ísafirði, gamla sjúkrahúsinu.

Menningarsjóður Íslands og Finnlands hefur óskað eftir styrkumsóknum.Tilgangur sjóðsins er að efla menningartengsl Finnlands og Íslands.

Í fréttatilkynningu frá Iðnaðarráðherra kemur fram að ráðuneytið hefur ákveðið að ráðstafa 100 milljónum króna af fé Byggðaáætlunar 2007–2009 til þriggja þróunarverkefna í ferðaþjónustu.

Kynningarnefnd bókasafna efnir til samkeppni um slagorð til að nota í kynningarátaki fyrir bókasöfn.Slagorðið þarf að eiga við allar tegundir bókasafna, hvort sem um er að ræða almenningsbókasöfn, skólabókasöfn eða sérfræðisöfn.

Listamaðurinn góðkunni, Ómar Smári Kristinsson, mun halda sýningu í Einarshúsi á laugardaginn 1.mars nk.og hefst sýningin kl.15:00.

Fornleifasjóður hefur auglýst eftir umsóknum um styrki úr sjóðnum árið 2008.Veittir verða styrkir til verkefna sem stuðla að rannsóknum og varðveislu á fornleifum og forngripum.

Pokasjóður verslunarinnar sem áður hét Umhverfissjóður verslunarinnar hefur verið starfræktur frá árinu 1995.Frá þeim tíma hefur sjóðurinn úthlutað samtals um það bil 500 milljónum til verkefna á sviði umhverfismála, menningar, íþrótta og mannúðarmála.

Menningarráð Vestfjarða hefur nú auglýst eftir styrkumsóknum vegna fyrri úthlutunar ráðsins til menningarverkefna árið 2008, en ætlunin er að úthluta styrkjum í apríl og október á þessu ári.

Vorönn Listaskóla Rögnvaldar Ólafssonar á Ísafirði er nú að hefjast af fullum krafti.Auk hinna hefðbundnu námskeiða, eins og kennslu í vinnukonugripum á gítar og leiklistanámskeiði fyrir börn, mun Pétur Guðmundsson listmálari kenna teiknun og akrílmálum og Nina Ivanova vatnslitun.