Starfsmaðurinn stýrir verkefnum af fjölbreyttum toga þegar kemur að viðhalds- og endurbótaverkefnum í starfsstöðvum félagsins. Viðhaldsfulltrúinn verður staðsettur í starfsstöð Kerecis á Ísafirði og heyrir undir bygginga- og viðhaldsstjóra fyrirtækisins.
Hefur þú roð við okkur?
Kerecis er það fyrirtæki sem vex hraðast í heiminum á sviði meðferðar á vefjaskaða og byggir tækni sína á hagnýtingu á roði og fitusýrum. Lækningavörur Kerecis eru notaðar til meðhöndlunar á margskonar líkamsskaða; m.a. á skurðsárum, þrálátum sárum, brunasárum, munnholssárum sem og til að flýta fyrir gróanda og að styrkja innvortis vef eftir skurðaðgerðir og slys.
Um 600 starfsmenn starfa hjá fyrirtækinu á Ísafirði, í Reykjavík, Þýskalandi og í Bandaríkjunum.
Sáraroð Kerecis á þátt í bata þúsunda einstaklinga um allan heim árlega.
- Vinna við viðhald og framkvæmdir á starfsstöðvum fyrirtækisins
- Kemur að skipulagningu framkvæmda
- Tengiliður við verktaka
- Lágmarka áhrif allra framkvæmda á framleiðslu
- Kemur að ákveðnum verkefnum sem tengjast framleiðslu
- Menntun á sviði byggingariðnaðar og/eða umtalsverð reynsla af framkvæmdum og viðhaldi fasteigna
- Iðnmenntun sem nýtist í starfi
- Drifkraftur, skilvirkni og lipurð í samskiptum
- Sjálfstæð vinnubrögð
- Reynsla af kostnaðaráætlanagerð er kostur