Byggðastofnun, Vestfjarðastofa og Reykhólahreppur hafa undirritað samning um þátttöku Reykhólahrepps í byggðaþróunarverkefninu Brothættar byggðir. Byggðarlagið er það fimmtánda í röðinni sem hefur þátttöku í verkefninu frá því að það hóf göngu sína á Raufarhöfn árið 2012.

Blásið var til lokahófs ferðaþjónustunnar á Vestfjörðum fimmtudaginn 14.nóvember. Fyrirhugað var að halda hófið í raunheimum en þar sem veðrið lék Vestfirðinga grátt þurfti að færa það yfir í netheima. Tveir fyrirlesarar úr ferðaþjónustunni voru fengnir til þess að flytja erindi, Hjalti Már Einarsson forstjóri Datera og Renée Blankenstein leiðsögumaður og sérfræðingur hjá Láki Tours.

Grunnskólinn á Ísafirði auglýsir laust til umsóknar tímabundið 100% starf þroskaþjálfa við skólann eða frá 3. janúar 2025 til loka skólaárs. Umsóknarfrestur er til 2.desember 2024.

Markaðsstofa Vestfjarða ásamt fulltrúum Íslandsstofu og annarra markaðsstofa á landinu tóku þátt í hinni árlegu ferðasýningu World Travel Market (WTM) í London dagana 5.–7. nóvember. Sýningin sem var haldin í Excel sýningarhöllinni í London er ein stærsta ferðasýning heims. Laðaði hún að sér um 46.000 gesti alls staðar að úr heiminum, þar á meðal 5.049 kaupendur og yfir 4.000 sýnendur.

Byggðastofnun hefur gefið út Stöðugreiningu landshlutanna 2024. Stöðugreiningin er ítarleg skýrsla sem skipt er í þrettán flokka, allt frá mannfjöldaþróun til efnahagsþróunar og lýðheilsu. Hver þessara þrettán flokka skiptis í marga undirflokka þar sem farið er yfir vítt svið af opinberum gögnum til að gefa sem besta mynd af því hvernig landshlutarnir standa hver um sig í hinum ýmsu málaflokkum.

Patreksskóli óskar eftir að ráða kennara í 100% stöðu á yngsta stig. Umsóknarfrestur er til og með 2.desember 2024.

Vega­gerðin auglýsir laust starf véla­manns á þjón­ustu­stöð­inni á Patreks­firði. Véla­menn vinna á opnun­ar­tíma þjón­ustu­stöðvar en eru þar að auki á bakvöktum utan dagvinnu­tíma frá október-apríl alla daga vikunnar, til að sinna vetr­ar­þjón­ustu. Umsóknarfrestur er til og með 26.nóvember 2024.

Mannamót Markaðsstofa landshlutanna verða haldin 16. janúar 2025 Mannamót Markaðsstofa landshlutanna er árleg ferðakaupstefna sem haldin er af Markaðsstofum landshlutanna. Mannamót markaðsstofanna er kynningarvettvangur ferðaþjónustunnar á landsbyggðinni og tækifæri til að koma á fundum fagaðila í greininni. Markmið og tilgangur viðburðarins er að skapa vettvang þar sem landsbyggðarfyrirtæki fá tækifæri til að kynna sína þjónustu og vöruframboð fyrir ferðaþjónustuaðilum sem staðsettir eru á höfuðborgarsvæðinu. Ísland hefur mikið upp á að bjóða og Mannamót hjálpa til við að mynda tengsl innan ferðaþjónustunnar. Gestum á Mannamótum gefst kostur á kynna sér það sem mismunandi landshlutar eru að bjóða uppá.

Við leitum að sjúkraliðum til starfa á hjúkrunarheimilið Berg í Bolungarvík. Um mismunandi vaktir og starfshlutfall er að ræða. Umsóknarfrestur til og með 25.nóvember 2024.

Við leitum að fólki til starfa við aðhlynningu á hjúkrunarheimilið Berg í Bolungarvík. Um mismunandi vaktir og starfshlutfall er að ræða. Umsóknarfrestur er til og með 25.nóvember 2024.