Laust er til umsóknar við Grunnskólann á Suðureyri starf kennara. Um er að ræða 100% starf við kennslu á miðstigi s.s. í heimilisfræði, áhugasviði og smiðju. Umsóknarfrestur er til og með 23.apríl 2025.

Dagana 19.-20. mars var haldinn samstarfsfundur í Cork á Írlandi í tengslum við sameiginlegt kall eftir klasaverkefnum á vegum Interreg Aurora og Interreg Northern Periphery and Arctic (NPA) áætlana Evrópusambandsins. Anna Sigríður Ólafsdóttir, verkefnisstjóri hjá Vestfjarðastofu tók þátt í viðburðinum, en hún er nú hluti af teymi Vestfjarðastofu sem tekur þátt í MERSE, NPA-verkefni sem snýr að samfélagslegri nýsköpun í dreifðum byggðum.

Menntaskólinn á Ísafirði óskar eftir að ráða kennara í íslensku 75-100% starfshlutfall. Umsóknarfrestur er til og með 8.apríl 2025.

Patreks­skóli leitar eftir kennara í 100% starf með sérhæfða hæfni í sérkennslu­fræðum. Umsóknarfrestur er til 11.apríl 2025.

Patreks­skóli leitar að metn­að­ar­fullum, sjálf­stæðum og dríf­andi starfs­manni með mikla þekk­ingu og áhuga á skóla­starfi. Um er að ræða 100% starf. Umsóknarfrestur er til 11.apríl 2025.

Patreksskóli óskar eftir að ráða kennara í 50-100% starf. Umsóknarfrestur er til 11.apríl 2025.

Gamla Bókabúðin óskar eftir starfskröftum í verslanir sínar í Reyjavík og á gistiheimilið á Flateyri. Umsóknarfrestur er til 1.maí 2025.

Um síðustu helgi fór fram tveggja daga íbúaþing í Reykhólahreppi og þar með hófst formleg þátttaka íbúa Reykhólahrepps í verkefninu Brothættar byggðir. Vel var mætt til þingsins og tóku um 35 íbúar þátt, en auk þeirra voru þar fulltrúar Vestfjarðastofu og Byggðastofnunar. Þinginu stýrði Sigurborg Kr. Hannesdóttir hjá ILDI. Að verkefninu standa: Byggðastofnun, Reykhólahreppur, Vestfjarðastofa og íbúar í Reykhólahreppi. Verkefnisstjórn er skipuð fulltrúum þessara aðila og hefur, líkt og áður hefur komið fram hjá okkur, Embla Dögg Bachmann tekið til starfa sem verkefnisstjóri.

Púkinn, barnamenningarhátíð Vestfjarða, verður haldin í þriðja sinn dagana 31. mars-11.apríl. Á hátíðinni verður fjöldi spennandi viðburða fyrir vestfirsk börn. Hryggjarstykki hátíðarinnar að þessu sinni eru valdeflandi leiklistarsmiðjur, þar sem unnið verður eftir aðferðum Theatre of the Opressed, undir handleiðslu Birgittu Birgisdóttur sem heimsækir krakka á miðstigi í grunnskólum á Vestfjörðum. Hátíðin sem áður er í góðu samstarfi við List fyrir alla og munu hinir hæfileikaríku Frach bræður fara víða með tónleikadagskrána Árstíðir.

Markaðsstofa / Áfangastaðastofa Vestfjarða stendur fyrir opnum fundum þar sem unnið verður með gerð nýrrar áfangastaðaáætlunar. Í áfangastaðaáætlun Vestfjarða er staða ferðaþjónustunnar skoðuð og sett fram framtíðarsýn, markmið og leiðir að þeim.