Hádegisfundur í húsakynnum Vestfjarðastofu þriðjudaginn 19. mars kl. 12. Á fundinum verður farið í nokkur mál er varða móttöku skemmtiferðaskipa í Ísafjarðarbæ.
Ný stefna Ísafjarðarbæjar í móttöku skemmtiferðaskipa – Arna Lára Jónsdóttir bæjarstjóri
Ísafjarðarbær hefur unnið að mörkun stefnu um móttöku skemmtiferðaskipa og mun Arna Lára fara yfir þá vinnu og innihald stefnunnar.
Skipasumarið 2024 – Hilmar Lyngmó hafnarstjóri Ísafjarðarhafna
Fjölmörg skemmtiferðaskip munu heimsækja Ísafjörð á sumri komanda. Hilmar mun fara yfir helstu línur auk þess að fara yfir hvernig skráningu er háttað á síðu Ísafjarðarbæjar.
Sumarviðburðasjóður hafna Ísafjarðarbæjar – Starfshópur um sjóðinn kynnir
Verið er að opna fyrir umsóknir í nýjan sumarviðburðasjóð hafna Ísafjarðarbæjar sem hvetja á til viðburðahalds í tengslum við komur skemmtiferðaskipa. Kynning á sjóðnum og umsóknarferli.
Öll eru velkomin á fundinn. Léttar hádegisveitingar í boði.
Erindum verður streymt á Teams en ekki verður hægt að taka þátt í umræðum þar. Smellið hér til að tengjast fundinum.