Ert þú smáframleiðandi matvæla á Vestfjörðum?

Með breyttum neysluvenjum, kröfum um rekjanleika, sjálfbærni og beinni tengingu við framleiðendur, skapast möguleikar fyrir vestfirska smáframleiðendur að sækja enn meira fram.

Vestfjarðastofa býður framleiðendum að taka þátt í verkefni sem hefur það að markmiði að bæta markaðsstöðu og auka sýnileika vestfirskra matvæla.

Hvað felst í verkefninu?

• Þátttaka í vinnustofu um vestfirska matarmenningu
• Ljósmyndari kemur til hvers framleiðanda og tekur myndir af afurðunum
• Aðstoð við að "segja söguna" um framleiðsluna
• Hver og einn framleiðandi fær handleiðslu í stafrænni markaðssetningu með áherslu á samfélagsmiðla

Hvað þarf til að sækja um?

• Leyfi til matvælaframleiðslu
• Í umsókn skal lýsa afurðum fyrirtækisins og framtíðarsýn

Hvað kostar að taka þátt?

• Verkefnið er smáframleiðendum að kostnaðarlausu en með því að taka þátt skuldbinda þátttakendur sig til þátttöku í vinnustofu um matarmenningu, til að setja niður "sögu" um framleiðsluna, taka á móti ljósmyndara og til að nýta myndirnar í markaðssetningu á samfélagsmiðlum. 
• Þátttakendur skila einnig frásögn af þátttöku sinni í verkefninu sem má birta ásamt einni mynd á vefsíðu eða samfélagsmiðlum Vestfjarðastofu þegar verkefni lýkur

Umsóknareyðublað má finna á vestfirdir.is/westfjordsfood

Upplýsingar veitir Þórkatla Ólafsdóttir, thorkatla@vestfirdir.is

Umsóknarfrestur rennur út á hádegi 6. júlí 2020