Fjórðungsþing hafið í Trékyllisvík

Í morgun hófst 58. fjórðungsþing Vestfirðinga í Trékyllisvík á Ströndum. Á dagskrá í dag voru margvíslegar ársskýrslur og ársreikningar, auk þess sem góðir gestir hafa ávarpað þingið. Þeirra á meðal voru Þóroddur Bjarnason stjórnarformaður Byggðastofnun, Halldór Halldórsson formaður stjórnar Sambands íslenskra sveitarfélaga, Stefanía Traustadóttir sérfræðingur í Innanríkisráðuneytinu og Lilja Rafney Magnúsdóttir sem var eini alþingismaðurinn sem þáði boð um að mæta á þingið og taka þátt í umræðum þar í dag sem voru ljómandi fjörugar og skemmtilegar. Hér má nálgast myndir frá fundahöldunum í dag.