25. febrúar 2025
Fréttir
Næsti fyrirlestur Forvitinna frumkvöðla verður þriðjudaginn 4. mars og mun hann fjalla um hvernig hægt er að nýta gervigreind við gerð styrkumsókna.
Atli Arnarson, sérfræðingur hjá Tækniþróunarsjóði mun fræða okkur um möguleikana sem gervigreindin býður frumkvöðlum. Markmiðið er að veita innsýn í þessa þróun og kynna gervigreindartól og aðferðir sem umsækjendur geta nýtt sér, ásamt mögulegum áskorunum, siðferðilegum álitaefnum og takmörkunum tækninnar.
Landshlutasamtökin: Austurbrú, SASS, SSNE, SSNV, SSS, SSV og Vestfjarðarstofa standa að mánaðarlegum fræðsluerindum fyrsta þriðjudag í mánuði. Fjölbreytt fræðsla í boði fyrir frumkvöðla og önnur áhugasöm um nýsköpunarsenuna. Fræðsluhádegin eru öllum opin og að kostnaðarlausu!
Erindin verða haldin á Teams og hefjast þau kl.12. Ráðgert að hvert erindi verði ekki lengra en 45 mínútur. Í kjölfar hvers erindis gefst kostur á að leggja fram spurningar.