15. ágúst 2008
Fréttir
Ingibergur, Jón og Ragnheiður Jóna á vinnufundi á Hvammstanga
Sumarfríið er að mestu leyti yfirstaðið hjá Menningarráði Vestfjarða og allt komið á fullt aftur hjá menningarfulltrúanum Jóni Jónssyni sem hefur aðsetur á skrifstofu Menningarráðsins í Þróunarsetrinu á Hólmavík. Í gær héldu menningarfulltrúar Norðurlands vestra, Vestfjarða og Eyþings vinnufund á Hvammstanga, en þeir eru í sameiningu að vinna að leiðbeiningum fyrir þá sem hyggjast sækja um styrki með góðum árangri. Gekk vinnan vel og von er á afrakstri erfiðisins á næstu vikum.