Þingstörf Fjórðungsþings hafin á ný

Seinni dagur 69. Fjórðungsþings Vestfirðinga að hausti er runninn upp og klukkan níu hófust nefndarstörf í allsherjarnefnd. Kjörnir fulltrúar skiptast niður í fjóra hópa sem vinna með ályktanirnar sem lagðar voru fyrir þingið og eru í eftirfarandi flokkum: samgöngur, auðlindir umhverfisins, almannaheill og nýsköpun til framtíðar.

Streymi hefst frá þinginu að nýju undir dagskrárliðnum afgreiðsla ályktana sem ætlað er að hefjist klukkan 12:30 og einnig verður streymt frá kosningum sem hefjast í framhaldi af því. Þingslit eru áætluð kl.14. Dagskrá þingsins má nálgast hér.

Fyrri dagur þingsins gekk með miklum ágætum og má lesa um það hér.