Mótun stefnu í ferðaþjónustu á Vestfjörðum
Markaðsstofa / Áfangastaðastofa Vestfjarða stendur fyrir opnum fundum þar sem unnið verður með gerð nýrrar áfangastaðaáætlunar.
Í áfangastaðaáætlun Vestfjarða er staða ferðaþjónustunnar skoðuð og sett fram framtíðarsýn, markmið og leiðir að þeim. Í áætluninni er leitast við að sjá þessa þróun frá mörgum ólíkum sjónarhornum og að taka tillit til sem allra flestra sem eiga hagsmuna að gæta.
Markmið Áfangastaðaáætlunar er að stuðla að ábyrgri ferðaþjónustu sem skilar sem mestu til samfélagsins um leið og mögulegum neikvæðum áhrifum er haldið í lágmarki. Áætlunin tekur tillit til gesta, íbúa, fyrirtækja og umhverfis og reynir að skapa jafnvægi. Hún auðveldar íbúum að hafa áhrif á hvernig ferðaþjónustan þróast og hvaða skref skuli taka. Þannig eru meiri líkur á að uppbyggingin hafi jákvæð áhrif á efnahag og samfélag.
Haldnir verða opnir fundir á öllum þremur svæðum Vestfjarða. Fyrsti fundur verður 3. apríl á Dokkunni, Ísafirði. Annar fundurinn verður þann 8. apríl á Skútanum PAtreksfirði og sá þriðji verður þann 9. maí á Café Riis á Hólmavík. Allir fundirnir eru frá 16:30-18:30.
Fundirnir er opnir öllum, hvort sem það eru ferðaþjónar, kjörnir fulltrúar eða almennir íbúar.
Kaffi, meðlæti og tækifæri til að hafa áhrif í boði
