Stjórnvöld hafa nú birt tvo aðgerðapakka sem mótvægisaðgerðir til að sporna við miklum áhrifum Covid 19 á atvinnulíf og samfélag á Íslandi. Vestfjarðastofa boðar nú til tveggja funda föstudaginn 24. apríl sem ætlaðir eru fyrirtækjum og einstaklingum í atvinnurekstri til að ræða hvernig aðgerðir stjórnvalda nýtast fyrirtækjum á svæðinu.
Fyrri fundurinn er kl. 11:00 og er ætlaður fyrirtækjum í hvers kyns framleiðslu, þjónustu annarri en ferðaþjónustu, iðnaði og landbúnaði á svæðinu en síðari fundurinn sem er kl. 14:00 er ætlaður fyrirtækjum og einstaklingum í ferðaþjónustu og verslun. Segja má að fyrri fundurinn sé fyrir fyrirtæki sem ekki eru beint að reiða sig á komur ferðamanna á svæðinu en sá síðar fyrir þá aðila sem háðir eru ferðaþjónustu.
Fundirnir verða báðir í fjarfundi gegnum Zoom fjarfundakerfið. Tengill inn á fundina verða settir inn á Facebook síðu Vestfjarðastofu og síður viðburðana 15 mínútum fyrir upphaf funda.
Hér er um tilraun að ræða til að koma af stað umræðu og fá skoðanir fólks í atvinnulífinu á þeirri einstöku stöðu sem uppi er. Vonumst við á Vestfjarðastofu eftir líflegum og góðum umræðum.
Síður viðburðanna eru hér:
Fundur kl. 11:00 - Framleiðsla, iðnaður, landbúnaður og annað