Fornleifasjóður auglýsir eftir umsóknum um styrki úr sjóðnum skv.24.gr.þjóðminjalaga nr.107/2001.Veittir verða styrkir til verkefna sem stuðla að rannsóknum og varðveislu á fornleifum og forngripum.

Hljómsveitin Cliff Clavin er nú við upptökur í Tanknum, hljóðveri Önundar Pálssonar í Önundarfirði.Hljómsveitin kom akandi vestur á sunnudag og hóf upptökur í fyrradag og er vonast til að upptökum ljúki á viku.

Kórstarf Gospelkórs Vestfjarða hefst aftur eftir jólafrí á sunnudaginn 11.janúar kl.20 í gamla barnaskólanum í Hnífsdal.„Allir gamlir félagar eru hvattir til að mæta og nýir félagar eru mjög svo velkomnir", segir í tilkynningu.

„Nei ég reikna nú ekki með því.Ætli ég láti ekki Viðar Hákon, barnabarn mitt, mæta fyrir mig," segir Villi Valli, tónlistarmaður á Ísafirði, aðspurður hvort hann hugsi sér að mæta til Íslensku tónlistarverðlaunanna en plata hans Í tímans rás er tilnefnd í flokki djass-tónlistar.

Tónleikar verða haldnir í Ísafjarðarkirkju þann 25.janúar undir yfirskriftinni ,,Samtónn 2009".„Eftir neikvæðar fréttir og óánægjuraddir síðastliðnar vikur teljum við þarft að standa saman og styrkja okkar vináttu og fjölskyldubönd, þar er að finna okkar raunverulega styrk", segir í tilkynningu.

Verkefnið Vöruþróun á Vestfjörðum fer af stað á nýju ári á vegum Impru á Nýsköpunarmiðstöð.Verkefnið er ætlað starfandi fyrirtækjum á Vestfjörðum sem vilja vinna að nýsköpun, vexti eða umbótum í starfsemi sinni.

Starfsmenn Odda hf.á Patreksfirði héldu jólaskemmtun daginn fyrir gamlársdag.Boðið var upp á súkkulaði og kökur og sungnir pólskir og íslenskir jólasöngvar undir öruggri stjórn þeirra systra Elzbieta Kowalczyk, skólastjóra, og Maria Jolanta, tónlistarkennara og kórstjóra við Tónskólann í Vesturbyggð.

Fyrsta æfing Sunnukórsins á nýju ári er í kvöld.„Nú að afstöðnum hátíðum færist lífið í fastar skorður á ný.Sunnukórinn hefur til margra ára æft á þriðjudagskvöldum og mun gera svo áfram", segir í tilkynningu.

„Við gerum okkur grein fyrir því að það er þröngt í búi og það fyrsta sem menn skera niður er dekur við einhverja tónleika út á landi.

Fjárlaganefnd Alþingis berst árlega mikill fjöldi umsókna um fjárlagastyrk.Fjöldi slíkra styrkbeiðna hefur farið vaxandi ár frá ári.