Það er mikilvægt að fylgjast með þróun mála á Vestfjörðum til að meta hvernig okkur miðar. Vestfjarðastofa sendi þann 22. september 2022 viðhorfskönnun um fiskeldi og samgöngur í pósti til allra Vestfirðingar en opið var til að svara fram til 9. nóvember 2022. Gefinn var góður tími til svörunar, bæði var send vefslóð og QR kóði og hver einstkalingur fékk sent lykilorð. Markmiðið með QR kóðanum var að ná til yngra fólks á Vestfjörðum og gera öllum kleift að svara á þægilegan hátt.

Háskóli Íslands í samstarfi við Textílmiðstöð Íslands býður upp á nýsköpunarnámskeið sem tengist textílvinnslu. Námskeiðið nefnist „Heldurðu þræði?“ og hefst 7. febrúar - með kynningarfundi. Námskeiðið er hugsað fyrir þau sem vilja hrinda viðskiptahugmynd í framkvæmd og hefja eigin rekstur með áherslu á textíl eða eru í atvinnurekstri og vilja auka rekstrarþekkingu sína. Námskeiðið er haldið í tengslum við evrópska rannsókna- og þróunarverkefnið CENTRINNO sem námsbraut í kynjafræði við Háskóla Íslands og Textílmiðstöð Íslands taka þátt í. Námskeiðið er endurgjaldslaust.

Föstudaginn 27. janúar síðastliðin var ferðakaupstefnan Icelandair Mid Atlantic haldinn í 29. sinn eftir þriggja ára hlé. Sýningin var vel sótt af af ferðasölum og skipuleggjendum en um 700 þátttakendur frá 23 löndum mættu í Laugardalshöll.

Með hækkandi sól og janúar að kveðja þá er tilvalið að kíkja á hvað var á döfinni hjá okkur hjá Vestfjarðastofu. Fréttabréf janúar 2023 er komið út

Opnað hefur verið fyrir umsóknir um styrki frá NATA, samstarfssamningi Íslands, Færeyja og Grænlands á sviði ferðamála. Umsóknafrestur vegna næstu úthlutunar rennur út á miðnætti 27. febrúar 2023. Sótt er um á vef NATA á rafrænum eyðublöðum sem þar eru.

Síðastliðinn fimmtudag fóru Mannamót markaðsstofa landshlutanna fram í Kórnum í Kópavogi. Mannamót eru einn stærsti viðburðurinn í íslenskri ferðaþjónustu og voru gestir um 800 talsins sem er metfjöldi og fyrirtækin sem sýndu voru um 220 talsins alls staðar af landinu.

Starfsáætlun Vestfjarðastofu fyrir árið 2023 var samþykkt á stjórnarfundi þann 18. janúar síðastliðinn. Áherslur ársins 2023 eru  uppbygging, nýsköpun, sérkenni, miðlun og menntun auk loftslagsmála og hringrásarhagkerfisins. Þessar áherslur skipta máli við áherslur í verkefnavali og verkefnum stofnunarinnar. 

Þann 6. janúar skrifaði Menntaskólinn á Ísafirði undir samstarfssamning við fiskeldisfyrirtækin Arctic Fish, Arnarlax og Háafell um framhaldsskólanám í fiskeldi í samstarfi við Vestfjarðastofu. Á Vestfjörðum, eins og víðar um landið, er fiskeldið sem atvinnugrein í miklum vexti og mikill skortur á menntuðu starfsfólki til að svara þeim vexti.

Minjastofnun hefur birt niðurstöður rannsókna um Kúvíkur í Árneshreppi.

Auglýst er eftir umsóknum um styrki í tengslum við Sterkar Strandir. Um er að ræða fjórðu og síðustu úthlutun í verkefninu, en verkefnið er hluti af byggðaþróunarverkefninu Brothættar byggðir í Strandabyggð.