03. júní 2013
Fréttir
Markaðsdeild Fjórðungssambands Vestfirðinga auglýsir eftir styrkumsóknum til markaðssetningar á viðburðum og hátíðum á Vestfjörðum árið 2013. Styrkirnir eru fjármagnaðir úr Sóknaráætlun landshluta.
Styrkjunum er ætlað að vekja athygli á þeim hátíðum og viðburðum sem þegar eru haldnar á Vestfjörðum og styðja við ímynd Vestfjarða.
Við úthlutun styrkja fyrir 2013 verður sérstaklega horft til eftirfarandi þátta:
- Dregur að ferðamenn utan háanna tíma og/eða lengir ferðamannatímabilið
- Stærð viðburðar/hátíðar
- Aldur viðburðar/hátíðar
- Svæðisbundin áhrif viðburðar/hátíðar
- Efnahagslegt vægi viðburðar/hátíðar
- Samfélagslegt vægi viðburðar/hátíðar
Umsóknarfrestur um verkefnastyrki er til og með 15. júní 2013.
Umsóknareyðublaðið má finna hér.
Allar nánari upplýsingar gefur Díana Jóhannsdóttir markaðsfulltrúi Markaðsstofu Vestfjarða í síma 450-3002 eða í netfanginu diana@vestfirdir.is.