Fréttir

Ratsjáin er ákveðið verkfæri ætlað stjórnendum í ferðaþjónustu og tengdum greinum sem vilja auka nýsköpunarhæfni sína, hraða mikilvægum breytingaferlum og öðlast aukna yfirsýn og getu til að þróa vörur og þjónustu. Íslenski ferðaklasinn leiðir verkefnið í samstarfi við RATA og Samtök sveitarfélaga á Íslandi.

Fréttabréf desember mánaðar er komið út. Ekki bara það helsta í mánuðinum heldur kíkjum við aðeins yfir árið líka.

Vestfirðir eru í sókn. Færin eru fjölmörg og ef horft er til ársins 2021 má segja að nokkrum góðum áföngum hafi verið náð á árinu. Rétt er við áramót að staldra við og líta til baka og reyna að meta hvað beri hæst á árinu varðandi þróun samfélaga og atvinnulífs á Vestfjörðum.

Auglýst er eftir umsóknum um styrki í tengslum við Sterkar Strandir. Um er að ræða þriðju úthlutun í verkefninu, en verkefnið er hluti af byggðaþróunarverkefninu Brothættar byggðir í Strandabyggð.

Stjórn og starfsfólk Vestfjarðastofu óska landsmönnum öllum gleðilegrar hátíðar og farsældar á nýju ári með þökk fyrir samstarfið ár árinu sem er að líða.

Á fundi stjórnar Vestfjarðastofu þann 22. desember 2021 var starfsáætlun ársins 2022 lögð fram og samþykkt. Starfsáætlunin lýsir áherslum og verkefnum Vestfjarðastofu fyrir árið 2022.

Íslandsstofa og Markaðsstofur landshlutanna hafa skrifað undir samninga um samvinnu við erlenda markaðssetningu á Íslandi sem áfangastað.

Úthlutað hefur verið úr Uppbyggingarsjóði Vestfjarða vegna verkefna ársins 2022.

Núna í desember er í gangi sannkallað frumkvöðla-jólaverkefni á Vestfjörðum sem ber heitið “Jólalest Vestfjarða”. Vestfjarðastofa kemur að verkefninu sem unnið er í samstarfi við Fab Lab Nýsköpunarsmiðju á Ísafirði og stutt af fjölmörgum fyrirtækjum hér á Vestfjörðum. Markmið Jólalestar Vestfjarða er að sýna í verki mikilvægi nýsköpunar á Vestfjörðum, upphefja list- og verkgreinar og auka sýnileika Vestfjarða.

Verkefnið “Hafsjór af hugmyndum” sem Sjávarútvegsklasi Vestfjarða stendur að hófst vorið 2020 þar gátu háskólanemar á framhaldsstigi gátu sótt um styrk til að vinna að lokaverkefnum sínum. Á haustmánuðum lauk mjög áhugaverðu verkefni í kennslufræði frá Háskólanum á Akureyri og afraksturinn er bæklinguinn "Hvernig getum við mætt íbúum af erlendum uppruna? sem eru með börn í skóla.