Fréttir

Búið er að opna fyrir umsóknir í Uppbyggingarsjóð. Umsóknarfrestur er til kl 16:00 þriðjudaginn 8. nóvember

Fréttabréf Vestfjarðastofu fyrir september er komið út!

Þann 12. september lögðu tveir starfsmenn Vestfjarðastofu ásamt Fræðslumiðstöð Vestfjarða í leiðangur til Noregs til að kynna sér uppbyggingu menntunar í fiskeldi.

Þórkatla Soffía starfsmaður okkar á Patreksfirði er komin aftur í vinnu eftir fæðingaorlof. Katla, eins og hún er oftast kölluð, hefur tekið við verkefnastjórn Vestfjarðaleiðarinnar ásamt því að sinna verkefnum tengdum nýsköpun.

Ný fyrirtækjakönnun landshlutanna gefur athyglisverða mynd af stöðu og þróun atvinnumála á Vestfjörðum. Vaxandi þörf er hjá fiskeldisfyrirtækjunum fyrir starfsfólk, á meðan hefðbundin sjávarútvegur stendur í stað á tímum kvótaniðurskurðar. Aðilar í ferðaþjónustu greindu einnig frá aukinni þörf eftir starfsfólki, sem er ánægjulegur viðsnúningur eftir erfiða tíma.

Í Sóknaráætlun Vestfjarða er mikil áhersla lögð á hækkun menntunarstigs Vestfjarða og meðal áherslumála er gerð menntastefnu fyrir Vestfirði. Markmið verkefnisins er að greina stöðu, strauma og stefnur til að móta sameiginlega framtíðarsýn og aðgerðaáætlun um hvernig megi efla skólastarf frá leikskóla til háskóla.

67. Fjórðungsþing Fjórðungssambands Vestfirðinga að hausti var haldið á Patreksfirði fyrir helgi og var þingið vel heppnað. Þingið skiptist í hefðbundin þingstörf og vinnudag ásamt því að kosið var í stjórn Fjórðungssambandsins.

Rétt í þessu var 67. Fjórðungsþing Vestfirðinga að hausti sett á Patreksfirði. Á þinginu sem að þessu sinni verður þrír dagar er gert ráð fyrir venjubundnu þinghaldi á fimmtudegi og laugardegi en á föstudaginn verður þinghald lokað og munu þinggestir þá fara yfir samstarf sveitarfélagnna á kjörtímabilinu.

Ríkisstjórn Íslands fundaði í dag með sveitarstjórnarmönnum á Vestfjörðum og Vestfjarðastofu á Ísafirði fimmtudaginn 1. september. Á fundinum kom fram að meginviðfangsefni svæðisins snúa öll að því að styrkja samkeppnisstöðu Vestfjarða til búsetu, sem áfangastað ferðamanna og til fjárfestinga og atvinnustarfsemi.

Útsýnispallurinn á Bolafjalli var formlega opnaður í morgun við hátíðlega athöfn. Fjölmargir lögðu leið sína upp á fjallið til þess að vera viðstaddir athöfnina, m.a. var öll ríkisstjórninn mætt svo og sveitarstjórnarmenn af Vestfjörðum