Fréttir

Vel var tekið á móti gestum á haustþingi Fjórðungssambandsins á Hólmavík en undirtónar þessa þings voru samgöngur og sameiningar. Það var samdóma álit fundarmanna að án samgöngubóta á Vestfjörðum væri ekki tímabært að ræða sameiningar.

Kallað er eftir umsóknum um styrki úr Uppbyggingarsjóði Vestfjarða. Í boði eru styrkir til atvinnuþróunar- og nýsköpunarverkefna, menningarverkefna og stofn- og rekstrarstyrkir til menningarstofnana. Verkefnin geta verið stór eða smá. Allir sem hafa íslenska kennitölu geta sótt um, jafnt einstaklingar og fyrirtæki. Umsóknarfrestur er til kl 16:00 fimmtudaginn 21. nóvember 2019.

Það var fríður hópur sveitastjórnarmanna á Vestfjörðum sem mætti til Hólmavíkur í morgun í fallegu veðri.

Nú líður að Fjórðungsþingi Vestfirðinga sem haldið verður á Hólmavík og sem fyrr er dagskráin fjölbreytt og spennandi. Þingið hefst föstudaginn 25. október og mun Haraldur Benediktsson fyrsti Þingmaður Norðvesturkjördæmis ávarpa þingið.

Drög að Sóknaráætlun Vestfjarða 2020-2024, á vegum Vestfjarðastofu og Fjórðungssambands Vestfirðinga er nú kynnt í samráðsgátt stjórnvalda. Mótun nýrrar sóknaráætlunar var unnin í nánu samráði við aðila í landshlutanum.

NORA, Norræna Atlantssamstarfið, styrkir samstarfsverkefni á milli Íslands og a.m.k. eins annars NORA-lands, þ.e. Grænlands, Færeyja eða strandhéraða Noregs. Umsóknarfrestur er 7. október 2019.

Vinsamlega athugið að fundurinn er kl. 14:00-16:30 fimmtudaginn 19. september. Samráðsfundar með fulltrúum sveitarstjórnarstigsins og hagsmunaaðilum á Vestfjörðum vegna sértækra aflaheimilda.

Áætlað er að í haust 2019 verði aftur í boði fyrir stofnanir á vegum sveitarfélaganna að fara í úttekt fyrir Grænu skrefin. Í dag eru 26 stofnanir skráðar og eru flestar á byrjunarskrefi sem þýðir að þau hafi ekki farið í úttekt. Úttektaraðili fór í úttekt í maí 2019 og kláruðu þá þrjár stofnanir fyrsta skrefið og eru þær því að vinna að því að ná öðru skrefi. Þessar stofnanir eru Patreksskóli, Héraðsbókasafn V- Barðastrandasýslu og Leikskólinn í Tjarnabæ en allar þessar stofnanir eru staðsettar á Patreksfirði.

Vestfjarðastofa og Ísafjarðarbær halda morgunfund um framtíð hátíðarinnar Veturnætur.

Vinnustofurnar fyrir Hringveg 2 verða 3-5 september nk. og viljum við hvetja alla sem geta til að mæta og taka þátt í vinnunni.