Fréttir

Vestfjarðastofa, með stuðningi Byggðastofnunar, auglýsir eftir verkefnisstjóra á Ströndum. Verkefnisstjóri gegnir hlutverki leiðtoga verkefnisins Brothættra byggða í Strandabyggð.

Skjaldborg Hátíð íslenskra heimildarmynda á Patreksfirði hlaut Eyrarrósina 2020, viðurkenningu fyrir framúrskarandi menningarverkefni utan höfuðborgarsvæðisins.

Í dag var hulunni svipt af nýju nafni og merki ferðamannaleiðarinnar sem hefur gengið undir vinnuheitinu Hringvegur 2. Nafnið sem varð fyrir valinu var Vestfjarðaleiðin eða á ensku The Westfjords Way.

Samtök atvinnurekenda á norðanverðum Vestfjörðum voru stofnuð fimmtudaginn 13. febrúar í sal Þróunarseturs Vestfjarða. Samtökin eru ópólitísk og tilgangurinn er að gæta hagsmuna rekstraraðila á starfssvæði sínu og vera vettvangur fyrir umræður, tengslanet og nýsköpun.

Föstudaginn 21. febrúar n.k. munu Vestfjarðastofa og Vesturlandsstofa kynna nafn og merki nýrrar ferðamannaleiðar sem unnið er að þróun á.

Stjórn Vestfjarðastofu hefur tekið ákvörðun um áhersluverkefni sem verða unnin á árinu 2020. Opnað var fyrir tillögur á vef Vestfjarðastofu þann 27. nóvember 2019 til 16. desember. Bárust ellefu tillögur en af þeim sendi Vestfjarðastofa inn fimm tillögur. Þrjár tillögur féllu ekki að markmiðum sóknaráætlunar en hinar sex voru lagðar fyrir samráðsvettvang til umfjöllunar.

Stjórn Vestfjarðastofu samþykkti á fundi 3. desember 2019 starfsáætlun Vestfjaraðstofu fyrir árið 2020. Áherslur ársins 2020 taka mið af Sóknaráætlun Vestfjarða 2020-2024 sem unnin var á árinu 2019 og miða að því að leggja grunn að frekari fjárfestingum á svæðinu, verkefni þar sem litið er til framtíðar svo sem að ljúka vinnu við innviðagreiningu, gerð raforkuspár fyrir Vestfirði, að fylgja eftir verkefnum áfangastaðaáætlunar í ferðaþjónustu svo nokkur atriði séu nefnd.

Auglýst er eftir umsóknir um styrki til nýsköpunar- og samfélagsverkefna á Þingeyri og við Dýrafjörð úr sjóði sem verkefnisstjórn veitir í umboði Byggðastofnunar vegna ársins 2020.

Fjórðungssamband Vestfirðinga hefur samið við verkfræðstofuna Verkís um að gera heildstæða úttekt á smávirkjanakostum á Vestfjörðum. Jóhann Birkir Helgason útibússtjóri Verkís á Ísafirði skrifaði undir samninginn en samkvæmt honum mun vinna við úttektina byrja strax í febrúar. Verkefnið " Smávirkjanir á Vestfjörðum" var samþykkt sem áhersluverkefni árið 2019 og fékk 2. milljónir kr. úthlutað.

Úthlutað hefur verið úr Uppbyggingarsjóði Vestfjarða, en úr honum eru veittir styrkir til atvinnuþróunar- og nýsköpunarverkefna, menningarverkefna og síðan geta menningarstofnanir sótt um stofn- og rekstrarstyrki.