Auglýst var eftir styrkumsóknum í byggðaþróunarverkefnið Sterkar Strandir í febrúar 2022. Alls voru að þessu sinni til úthlutunar kr. 10.850.000,- sem er samanlögð fjárhæð, árlegrar úthlutunar kr. 10.500.000,- og styrks frá fyrra ári sem féll niður, eða kr. 350.000,-.

Umhverfis-, orku- og loftslagsráðuneytið býður til opinna funda um orkumál á Vestfjörðum.

Félagið Auður Norðursins í samstarfi við Byggðastofnun og Samtök sunnlenskra sveitarfélaga (SASS), og með stuðningi fleiri aðila, efna til ráðstefnu um áskoranir og tækifæri innan innlendrar matvælaframleiðslu. Ráðstefnan verður á Hótel Selfossi 7. og 8. apríl.

Byggðastofnun auglýsir eftir umsóknum um styrki úr Byggðarannsóknasjóði til rannsókna á sviði byggðamála og þurfa þær að berast eigi síðar en fimmtudaginn 17. mars n.k. Til úthlutunar eru 10 m.kr.

Um síðustu helgi auglýsti fiskeldisfyrirtækið Arnarlax 31 nýtt starf á sunnanverðum Vestfjörðum. Um er að ræða fjölbreytt störf en flest þó í sjódeild félagsins þannig að búseta á svæðinu er mikilvæg og innviðir þurfa að fylgja með vextinum.

Um helgina auglýsti Arnarlax 37 störf hjá fyrirtækinu laus til umsóknar. Höfuðstöðvar Arnarlax er á Bíldudal en störfin eru flest á Vestfjörðum eða 31 í sveitafélögunum Vesturbyggð og Tálknafirði. Má segja að líklega er um að ræða mestu fjölgun atvinnutækifæra á Vestfjörðum í áratugi.

Vestfjarðastofa í samstarfi við Austurbrú, Landshlutasamtökin, Vegagerðina og Byggðastofnun stendur fyrir könnun um Loftbrú. Könnuninni er ætlað að meta reynslu notenda, það sem hefur reynst vel og finna þætti sem betur mega fara í útfærslu úrræðisins. Könnunin er gefin út á íslensku, ensku og pólsku.

Febrúar fréttabréf Vestfjarðastofu er komið út!

Langar þig að vinna spennandi lokaverkefni með beina tengingu við atvinnulífið á Vestfjörðum? Markmiðið með “Hafsjó af hugmyndum” er að styrkja lokaverkefni sem skapa aukin verðmæti úr sjávarauðlindinni samhliða eflingu atvinnulífs á Vestfjörðum. Um er að ræða nýsköpunarstyrki til háskólanema við gerð lokaverkefna í mastersnámi.

Sölvi Guðmundsson hefur verið ráðinn til Vestfjarðastofu í starf sérfræðings í markaðsmálum. Hann er búsettur með eiginkonu og syni í Bolungarvík og mun hafa starfsstöð hjá Vestfjarðastofu á Ísafirði.