Landshlutasamtökin í samstarfi við Byggðastofnun hafa látið útbúa stutt fræðslumyndbönd með upplýsingum fyrir þá sem ganga með hugmynd í maganum, vilja sækja um styrki, eru að velta fyrir sér rekstarformum og markaðssetningu fyrirtækja, vilja gera viðskiptaáætlun eða koma sínum rekstri á framfæri til dæmis á samfélagsmiðlum.

Athugið! Áður auglýstur umsóknarfrestur um styrki til nýsköpunar- og samfélagsverkefna á Þingeyri og við Dýrafjörð úr Frumkvæðissjóði Brothættra byggða, sem verkefnisstjórn veitir úr í umboði Byggðastofnunar vegna ársins 2022 hefur verið framlengdur. Tekið skal fram að þetta er síðasta úthlutun verkefnisins.

Landshlutasamtök sveitarfélaga bjóða öllum fyrirtækjum og einstaklingum í rekstri að taka þátt í spurningakönnun. Vestfjarðastofa fyrir hönd Fjórðungssambands Vestfirðinga tekur þátt í að láta gera þessa könnun. Miklu máli skiptir að sem flestir rekstraraðilar svari könnuninni til að sjónarmið sem flestra komi fram varðandi starfsmannaþörf, fjárfestingar og fleiri þætti.

Sjónvarpsþátturinn Soð í Dýrafirði, sem var sýndur á RÚV á síðasta ári, hefur verið tekinn til sýninga hjá Finnska ríkissjónvarpinu (YLE).

Miðvikudaginn 16.febrúar kl.16.00 verður haldinn rafrænn kynningarfundur um styrki og lán sem eru í boði hjá Atvinnumálum kvenna en umsóknarfrestur um styrki er til 3.mars en um lán til 15.mars.

Vakin er athygli á því að umsóknarfrestur fyrir Þróunarsjóð Flateryrar hefur verið framlengdur um einn dag eða til morgundagsins 8. febrúar kl 16:00

Fyrsta fréttabréf ársins er komið út!

Auglýst er eftir umsóknum um styrki til nýsköpunar- og samfélagsverkefna á Þingeyri og við Dýrafjörð úr Frumkvæðissjóði Brothættra byggða, sem verkefnisstjórn veitir úr í umboði Byggðastofnunar vegna ársins 2022. Tekið skal fram að þetta er síðasta úthlutun verkefnisins.

Stjórn Vestfjarðastofu tekur undir áhyggjur sveitarstjórna og atvinnulífs á Vestfjörðum af afleiðingum á takmörkunum á sölu á skerðanlegri orku. Stjórn kallar eftir að stjórnvöld og Landsvirkjun tryggi að kostnaður vegna þessarar stöðu falli ekki aðeins á íbúa og atvinnulíf á Vestfjörðum. Eins lýsir stjórn Vestfjarðastofu áhyggjum af áhrifum þessarar stöðu á rekstur og fjárfestingargetu Orkubús Vestfjarða, m.a seinkunum í verkefnum er varðar þrífösun rafmagns og undirbúningi nýrrar orkuvinnslu s.s. vatnsafls og jarðhita.

Vestfjarðastofa fyrir hönd Fjórðungssambands Vestfirðinga hélt fjölmennan fjarfund fimmtudaginn 27. janúar þar sem kynnt var jarðgangnaáætlun fyrir Vestfirði og samfélagsgreining vegna jarðgangna sem unnin var af KPMG. Fundurinn var öllum opinn en öllum sveitarstjórnarmönnum á Vestfjörðum, þingmönnum og embættismönnum í ráðuneytum og stofnunum sem tengjast samgöngumálum var sérstaklega boðið. Fundarstjóri var Jóhanna Ösp Einarsdóttir stjórnarformaður Fjórðungssambands Vestfirðinga og Vestfjarðastofu.