Markaðsstofa Vestfjarða hefur lokið úthlutun styrkja til markaðssetningar á hátíðum og viðburðum á Vestfjörðum fyrir 2013. Í heildina var úthlutað 1.500.000 kr. en styrkirnir eru fjármagnaðir út Sóknaráætlun Vestfjarða. Alls bárust 12 umsóknir og hljóta tíu þeirra styrk að þessu sinni.

Innanríkisráðherra staðfesti vilja stjórnvalda um að samgönguverkefni á Vestfjörðum komist til framkvæmda eins og þau eru tilgreind í samgönguáætlun 2011-2022, á málþingi um samgöngumál á Vestfjörðum á föstudag. Þetta varðar Vestfjarðaveg 60 um Gufudalssveit, Dýrafjarðargöng, veg um Dynjandisheiði og vegagerð í Árneshreppi. Samgöngunefnd Fjórðungssambands Vestfirðinga segir í fréttatilkynningu um fundinn: 

Fjórðungssamband Vestfirðinga boðar til málþings um samgöngumál á Vestfjörðum, föstudaginn 21. júní kl 12.30–15.00  í Íþróttahúsinu Tálknafirði. Frummælendur eru Hanna Birna Kristjánsdóttir innanríkisráðherra, Hreinn Haraldsson vegamálastjóri, Albertína Fr. Elíasdóttir formaður FV, Sigurður Pétursson formaður samgöngunefndar FV, Eyrún Ingibjörg Sigþórsdóttir oddviti Tálknafjarðarhrepps og Guðbrandur Sverrisson Kaldrananeshreppi. Fundarstjóri er Indriði Indriðason, sveitarstjóri Tálknafjarðarhrepps. Málþingið er opið öllum sem áhuga hafa á málefninu.

Markaðsdeild Fjórðungssambands Vestfirðinga auglýsir eftir styrkumsóknum til markaðssetningar á viðburðum og hátíðum á Vestfjörðum árið 2013. Styrkirnir eru fjármagnaðir úr Sóknaráætlun landshluta. Styrkjunum er ætlað að vekja athygli á þeim hátíðum og viðburðum sem þegar eru haldnar á Vestfjörðum og styðja við ímynd Vestfjarða. 

Fjórðungssamband Vestfirðinga auglýsir eftir verkefnastjóra til starfa við Byggðaþróunardeild FV með staðsetningu á Vestfjörðum. Byggðaþróunardeild er hluti af sameiginlegri starfsemi sveitarfélaga á Vestfjörðum, sem hefur að markmiði að efla samfélög og atvinnulíf og verndun umhverfis á Vestfjörðum. Á döfinni eru spennandi verkefni þar sem unnið er að öllum framangreindum þáttum í samstarfi við sveitarfélög og aðila í stoðkerfi atvinnu og byggðaþróunar. 

Þann 11. maí síðastliðinn stóð Félag vestfirskra listamanna fyrir Listamannaþingi á Patreksfirði í samvinnu við Menningarráð Vestfjarða og með stuðningi Sjóræningjahússins og Odda. Þar var haldinn aðalfundur félagsins, en auk þess voru framsögur og umræður um menningarmál á Vestfjörðum og hlutverk og verkefni félagsins. Aðalræðumaður dagsins var Karl Ágúst Úlfsson.

Þriðjudaginn 21. maí frá 12:30-16:30 verður haldinn annar fundur Markaðsstofu Vestfjarða, Atvinnuþróunarfélags Vestfjarða og Nýsköpunarmiðstöðvar Íslands undir heitinu Vestfirðir og ferðamenn framtíðarinnar. Þessi fundur verður í Sjóræningahúsinu á Patreksfirði og verður þema fundarins Umhverfisvottun, þjóðgarðar og friðlýst svæði sem aðdráttarafl.

Stjórn BsVest hefur samþykkt að ráða Sif Huld Albertsdóttur í starf verkefnastjóra. Sif er 27 ára og er þroskaþjálfi að mennt auk iðnmenntunar. Hún hefur veitt forstöðu Hæfingarstöðinni Hvestu hjá Ísafjarðarbæ í fæðingarorlofi forstöðumanns, auk þess að hafa starfað innan félagsþjónustu Ísafjarðarbæjar með námi.

Rúmlega þrjátíu manns mættu á fund Markaðsstofu Vestfjarða, Nýsköpunarmiðstöðvar Íslands og Atvinnuþróunarfélags Vestfjarða sem haldinn var á Ísafirði á mánudaginn undir yfirskriftinni Vestfirðir og ferðamenn framtíðarinnar – Vestfirðir allt árið.

Á mánudaginn 6.maí n.k.frá 09:00 – 14:00 verður haldinn fundur á vegum Markaðsstofu Vestfjarða, Atvinnuþróunarfélags Vestfjarða og Nýsköpunarmiðstöðvar Íslands undir heitinu Vestfirðir og ferðamenn framtíðarinnar og verður þema fundarins á Ísafirði, Vestfirðir allt árið.