Alþingi hefur nú til umfjöllunar þingsályktun um verndun og orkunýtingu landssvæða, sem er byggð á niðurstöðu rammaáætlunar um vernd og nýtingu náttúrusvæða með áherslu á vatnsafl og jarðhita.  Það er mikilvægt fyrir Vestfirðinga að tillaga er um  að í Hvalárvirkjun í Ófeigsfirði verði í nýtingarflokki, tvær aðrar virkjanir eru einnig nefndar, Glámuvirkjun og Skúfnavatnavirkjun en þær eru setta í biðflokk.  FV leggur áherslu á að þingsályktunin verði samþykkt og hvetur Alþingi að auka fjármagn til rannsókna á virkjunum og auka fjármagn til uppbyggingu á flutningskerfi raforku.   Jöfnun húshitunarkostnaðar er eitt af stærstu málum er varða jöfnun búsetuskilyrða í landinu.

Aðalfundur og listamannaþing Félags vestfirskra listamanna verður haldið laugardaginn 12. maí kl.15 í félagsheimilinu í Bolungarvík. Það verður mikið um að vera í félagsheimilinu allan daginn og fram á nótt, því hver viðburðurinn rekur annan. Aðalfundurinn er fyrstur á dagskrá og hefst kl. 15:00. Þetta er annar aðalfundur Félags vestfirskra listamanna, en félagið var stofnað fyrir ári síðan. Félagar eru nú þegar orðnir á annað hundrað talsins. Bæði félögum og verkefnum fer fjölgandi.

Menningarráð Vestfjarða fer nú yfir umsóknir vegna úthlutunar fyrir árið 2012.Alls bárust 40 umsóknir um stofn- og rekstrarstyrki og var óskað eftir samtals rúmlega 81 milljón í styrki.

Verkefnafundi um IPA stuðning sem halda átti fimmtudag 26.apríl hefur verið frestað til 7.maí.  Fundurinn verður haldinn í fundarsal Háskólaseturs Vestfjarða, Ísafirði.  Dagskrá auglýst síðar.

Frestur til að senda umsókn til Menningarráðs Vestfjarða vegna verkefnastyrkja er til og með þriðjudeginum 10.apríl og er hægt að senda inn fram að miðnætti þann dag.

Menningarráð Vestfjarða auglýsir nú eftir umsóknum um styrki í tveimur flokkum á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga vegna ársins 2012. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum og eru umsóknir og verkefni hverju sinni borin saman á samkeppnisgrundvelli.  

Nú er að baki kynningarferð um Vestfirði þar sem Jón Jónsson menningarfulltrúi hélt fundi í vestfirskum þéttbýlisstöðum og kynnti starfsemi Menningarráðsins.

Vel hefur gengið með kynningar á Menningarráði Vestfjarða síðustu daga.Alls hafa 45 sótt kynningar sem Jón Jónsson menningarfulltrúi hefur staðið fyrir víða um Vestfirði og hefur besta þátttakan til þessa verið á Þingeyri.

Eins og kynnt hefur verið mun Menningarráð Vestfjarða nú í fyrsta skipti úthluta stofn- og rekstrarstyrkjum á þessu ári og er umsóknarfrestur um þá til 30. mars. Einnig hafa verið auglýst eftir umsóknum um hefðbundna verkefnastyrki og er frestur til að sækja um þá til 10. apríl. Aðeins verður auglýst einu sinni eftir verkefnastyrkjum á árinu 2012. Af þessu tilefni mun Menningarráð Vestfjarða standa fyrir kynningu á styrkjum ráðsins og stuttu námskeið um umsóknagerð víða um Vestfirði á næstu dögum.

Menningarráð Vestfjarða auglýsir nú eftir umsóknum um styrki í tveimur flokkum á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga vegna ársins 2012. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum og eru umsóknir og verkefni hverju sinni borin saman á samkeppnisgrundvelli.