Vestfirðingar fá góða heimsókn fimmtudaginn 20. september næstkomandi þegar 13 færeysk fyrirtæki halda hér fyrirtækjasýningu og viðskiptafundi. Með í för verður utanríkis- og viðskiptaráðherra Færeyja auk sendiherra Færeyja á Íslandi. 

Vestfjarðastofa fyrir hönd Fjórðungssambands Vestfirðinga og Félag um stofnun Lýðháskóla á Flateyri hafa gert með sér samkomulag um stuðning við stofnun Lýðháskóla á Flateyri. Undirbúningur að stofnun Lýðháskóla á Flateyri hefur staðið í nokkurn tíma og verður skólinn settur að viðstöddum Forseta Íslands þann 22. september.

Föstudaginn 7. september verður haldið námskeið á vegum Sambands íslenskra sveitarfélaga fyrir kjörna fulltrúa í sveitarstjórnum á Vestfjörðum kjörtímabilið 2018-2022.  Námskeiðið verður haldið í Þróunarsetrinu á Ísafirði Árnagötu 2-4.  Stjórnandi námskeiðsins er Eyrún Ingibjörg Sigþórsdóttir,  ráðgjafi hjá Ráðrík og fyrrverandi sveitarstjóri.

Haustþing Vestfjarðastofu verður haldið í Edinborgarhúsinu á Ísafirði 5.-6. október næstkomandi. Fyrir þingið verður aukaaðalfundur Byggðasamlags Vestfjarða um málefni fatlaðs fólks. Eftir þann fund verður Haustþing Vestfjarðastofu sett og fram fara almenn aðalfundarstörf Fjórðungssambands Vestfirðinga þar sem meðal dagskrárliða verður kosning í stjórn FV.

Hvernig telur þú að atvinnu- og mannlíf á Vestfjörðum þróist til ársins 2035?  Taktu þátt í meðfylgjandi skoðanakönnun og segðu þína skoðun. Könnunin er hluti af sviðsmyndavinnu fyrir Vestfirði sem unnin er fyrir Vestfjarðastofu. Markmið sviðsmynda er að efla skilning á hugsanlegri framtíðarþróun og helstu óvissuþáttum sem geta breytt umhverfi okkar. 

Vestfjarðastofa vinnur nú verkefni til að bæta stafræna getu ferðaþjónustufyrirtækja á svæðinu. Markmið verkefnisins er að auka samkeppnishæfi fyrirtækjanna og ýta undir markvissari markaðssetningu og vörum og þjónustu þeirra. Aðeins takmarkaður fjöldi fyrirtækja getur tekið þátt í verkefninu.

Vestfjarðastofa hefur ráðið í stöðu verkefnastjóra á Þingeyri, starfið felur meðal annars í sér utanumhald með verkefni brothættra byggða á Þingeyri sem gengur undir nafninu Öll vötn til Dýrafjarðar. Það var hún Agnes Arnardóttir sem var ráðin, Agnes hefur undanfarin ár unnið í Noregi og er með B.S gráðu í ferðamálafræði frá Hólum og umtalsverða reynslu úr atvinnulífinu bæði hér á Íslandi sem og í Noregi.

Vestfirsk samfélög og atvinnulíf hafa um árabil búið við lélegra flutningskerfi raforku miðað við aðra landshluta. Í þessari umsögn er fjallað um þrjá meginþætti í flutningsmálum raforku á Vestfjörðum;  úrbætur á svæðisbundnum flutningskerfum, úrbætur á flutningi raforku frá landskerfi og eða auka raforkuframleiðslu innan Vestfjarða. Lýst er vonbrigðum með að ekki er fjallað um uppbyggingu tengipunkts í innanverðu Ísafjarðardjúpi og bent á nýjar áherslur sem samþykktar hafa verið á Alþingi.

Þann 29. júní var haldinn fyrsti ársfundur Vestfjarðastofu, var hann haldinn á Bíldudal. Til umfjöllunar á ársfundinum voru meðal annars starfsáætlun Vestfjarðastofu fyrir komandi ár, verkefnin framundan og breytingar á samþykktum. Gögn fundarins má finna hér.   Eitt af því sem var kynnt á ársfundi Vestfjarðastofu var merki Vestfjarðastofu. Merkið er unnið af Þórhalli Kristjándssyni.

Þann 29. júní n.k. verður haldinn ársfundur Vestfjarðastofu. Fundurinn verður haldinn í félagsheimilinu Baldurshaga á Bíldudal. Fundurinn er frá 11:00-16:30. Dagskrá fundarins verður birt fljótlega.  Skráning á ársfundinn fer fram í netfanginu fv@vestfirdir.is