Síðastliðinn föstudag, þann 24. apríl hélt Vestfjarðastofa stóran fjarfund með yfirskriftinni; Nýtast úrræði stjórnvalda fyrir ferðaþjónustu og verslun á Vestfjörðum? Góð mæting var á fundinn og þóttist hann takast einstaklega vel en þegar mest var voru um 48 aðilar skráðir inn á fundinn.

Fólk úr öllum tegundum menningarlífsins á Vestfjörðum hittist á fjölmennum fjarfundi og bar saman bækur. Fundurinn tókst sérlega vel og er áformað að endurtaka hann með svipuðu sniði.

Stjórn Vestfjarðastofu og Fjórðungssambands Vestfirðinga samþykkti á fundi sínum þann 21. apríl 2020 að verja allt að 45 milljónum á næstu mánuðum í átaksverkefni vegna áhrifa Covid-19 til eflingar atvinnu- og menningarlífs á Vestfjörðum. Um er að ræða viðbótar fjárveitingu sem veitt er í sóknaráætlanir landshluta af hálfu ríkisins og samþykkt var með fjáraukalögum 30. mars, sem og fé Fjórðungssambands Vestfirðinga.

Stjórnvöld hafa nú birt tvo aðgerðapakka sem mótvægisaðgerðir til að sporna við miklum áhrifum Covid 19 á atvinnulíf og samfélag á Íslandi. Vestfjarðastofa boðar nú til tveggja funda föstudaginn 24. apríl sem ætlaðir eru fyrirtækjum og einstaklingum í atvinnurekstri til að ræða hvernig aðgerðir stjórnvalda nýtast fyrirtækjum á svæðinu.

Ríkisstjórn kynnti í gær aðgerðapakka 2 vegna áhrifa heimsfaraldursins Covid 19 á efnahag og samfélag. Starfsfólk Vestfjarðastofu fylgist með boðuðum aðgerðum og útfærslum þeirra og reynir eftir því sem mögulegt er að aðstoða einstaklinga og fyrirtæki í atvinnurekstri að finna leiðir til að komast gegnum þessa erfiðu tíma.

Mennta- og menningarmálaráðuneytið hefur tilkynnt um aukaúthlutun styrkja á sviði menningarstarfs og skapandi greina á allra næstu dögum. Stuðningurinn nemur alls 500 milljónum króna.

Skilafrestur í Nýsköpunarkeppninni hefur verið fluttur fram til 15. júní 2020 og eru því bæði nýsköpunarkeppnin og háskólaverkefnið í „Hafsjó af hugmyndum“ með sama skilafrest. Það er því nógur tími til að sækja um og undirbúa spennandi nýsköpunarverkefni.

Hér eru upplýsingar um styrki sem Atvinnuvega- og nýsköpunarráðuneytið auglýsir vorið 2020. Einnig má finna upplýsingar um styrki annarra ráðuneyta.

Vestfjarðastofa leitaði eftir tilboðum hjá nokkrum verkfræðiskrifstofum til að vinna skýrslu vegna áhersluverkefnisins frá árinu 2019 "Smávirkjanir á Vestfjörðum" Verkís var fengin til verksins og er hægt að nýta niðurstöður skýrslunnar til að greina hvort að þörf sé á að stofna smávirkjanasjóð á Vestfjörðum sem hefði það að markmiði að styðja við fyrstu skref í rannsóknum og auka möguleika lítilla virkjanna á svæðinu.

Rækjuverksmiðjan Kampi á Ísafirði var stofnuð árið 2007 en áður höfðu verið rækjuvinnslur í húsnæðinu í áratugi. Fyrirtækið vinnur helming allrar rækju sem veidd er á Íslandsmiðum en í heildina er unninn þriðjungur af allri rækju sem unnin er á Íslandi.