Fréttir

Samgöngu- og sveitarstjórnarráðuneytið og Vestfjarðastofa bjóða til rafræns samráðsfundar um stöðu samgöngumála mánudaginn 22. mars kl. 10:00–12:00. Á fundinum verður fjallað um samgöngumál á Vestfjörðum, helstu áskoranir og tækifæri og valkosti til framfara. Boðið verður upp á fjölbreytta dagskrá með erindum og umræðum í minni hópum.

Fjarskiptasjóður hefur veitt Árneshreppi styrkvilyrði vegna ljósleiðaravæðingar. Samhliða verður lagt þriggja fasa rafmagn.

Stjórn Vestfjarðastofu lýsir þungum áhyggjum af stöðu samgangna á sunnanverðum Vestfjörðum vegna ítrekaða bilana ferjunnar Baldurs. Stjórn Vestfjarðastofu hvetur Alþingi, ráðherra samgöngumála og Vegagerðina til að grípa hratt til bráðaaðgerða til að minnka þann skaða sem atvinnulíf og samfélag svæðisins verður fyrir þegar samgöngur bregðast.

Á fimmtudagskvöldið í síðustu viku var beint streymi frá Vestfjörðum inn á facebook síðu Markaðsstofu Vestfjarða @visitwestfjords og á síðu Íslandsstofu undir merkjum Iceland Naturally @icelandnaturally.

Í síðustu viku tóku Vestfirðir og Vestfjarðaleiðin yfir Instagram reikning Íslandsstofu @inspiredbyiceland með aðstoð ljósmyndarans Benjamin Hardman. Benjamin ferðaðist um Vestfjarðaleiðina og tók myndir og sagði sögur í tengslum við Vestfirði.

Verkefnið Nýsköpunarbærinn Ísafjörður er verkefni sem Bæjarstjórn Ísafjarðarbæjar ákvað að fara í á dögunum í samstarfi við Vestfjarðastofu. Verkefnið lýtur að því að efla Ísafjörð sem nýsköpunarbæ og ýta undir og efla hugarfar nýsköpunar á svæðinu. Stýrihópur verkefnisins kom saman og er verkefnið formlega byrjað.

Auglýst er eftir umsóknum úr Þróunarverkefnasjóði fyrir styrki til nýsköpunar- og samfélagsverkefna á Flateyri, sem verkefnisstjórn veitir úr. Umsóknarfrestur er til og með 7. apríl 2021 kl. 16.00.

Fiskeldi er vaxandi atvinnugrein á Vestfjörðum og miklu skiptir fyrir samfélag og atvinnulíf svæðisins að fiskeldi verði sjálfbær og kröftug atvinnugrein. KPMG hefur á síðustu mánuðum unnið skýrsluna “Greining á áhrifum fiskeldis á Vestfjörðum” fyrir Fjórðungssamband Vestfirðinga (FV) og Vestfjarðastofu. Helstu niðurstöður greiningar KPMG eru að íbúum hefur fjölgað síðan 2016 þar sem fiskeldi er komið vel af stað en þó er fjölgun íbúa ekki jafn mikil og væntingar voru um í fyrri skýrslu sem gefin var út árið 2017.

Fréttabréf Vestfjarðastofu fyrir febrúar 2021 er komið út.

Eitt af þeim 65 verkefnum sem hlutu styrk úr Uppbyggingarsjóði Vestfjarða árið 2020 er verkefnið Kalksalt sem hafði það að markmiði að koma með nýja vöru inn á markað. Verkefnið snerist um að fá ný mót til að framleiða minni saltsteina en áður höfðu verið í framleiðslu. Fór Kalksalt í þessa vöruþróun til að svara kalli viðskipavina sinna í hópi fjárbænda og hestamanna.