Fréttir

Hugmyndasöfnunin Ísafjörður – okkar miðbær er liður í verkefninu Nýsköpunarbærinn Ísafjörður sem miðar að því að efla miðbæ Ísafjarðar með áherslu á Ísafjörð sem nýsköpunarbæ. Óskað er eftir fjölbreyttum hugmyndum um hvernig má efla svæðið umhverfis miðbæ Ísafjarðar, frá Torfnesi út að hafnarsvæði. Hugmyndasöfnun er opin öllum og stendur yfir frá 5.-31. júlí 2021 á síðu Betra Íslands . Allir sem hafa áhuga á að hafa áhrif á þróun miðbæjar Ísafjarðar eru hvattir til að taka þátt.

Sterkar Strandir tilheyra röð verkefna á landsvísu undir stjórn Byggðastofnunar með heitinu Brothættar byggðir. Í júní 2020 var haldið íbúaþing á Hólmavík þar sem íbúar voru kallaðir saman í tveggja daga vinnubúðir. Í framhaldinu vann verkefnisstjórn stöðugreiningu á svæðinu þar sem tekið var tillit til íbúaþróunar, atvinnuþátta og -þróunar, auk sérstöðu byggðalagsins.

Mikil vakning er meðal fólks um verðmætin sem liggja í staðbundinni matvælaframleiðslu og áhugi á að vita um uppruna matvæla, kynnast staðbundnum mat og matarvenjum, fer vaxandi. Afurðirnar sem eru framleiddar á Vestfjörðum segja sögu matarmenningar okkar og endurspegla landslagið og umhverfið sem þær eru sprottnar úr.

Haldinn var íbúafundur í verkefninu Öll vötn til Dýrafjarðar í Félagsheimilinu á Þingeyri þann 7. júní 2021.

Landnet kynnir í dag tillögu að Kerfisáætlun 2020-2022. Það er mikið ánægjuefni að helsta breytingin sem hefur orðið á kerfisáætlun Landsnet frá síðustu útgáfu er það sem snýr að Vestfjörðum, nú er styrking meginflutningskerfisins á Vestfjörðum komin á 10 ára áætlun, en umfjöllun í Kerfisáætlun um Vestfirði hefur til þessa verið undir umfjöllun um hvern landhluta en ekki sem hluti af meginflutningskerfinu.

Vestfjarðastofa hefur um langt skeið unnið að verkefnum tengdum þróun og uppbyggingu fiskeldis á Vestfjörðum. Hagsmunagæsla vegna leyfisveitinga og þeirrar umgjarðar sem atvinnugreininni er búin hefur verið þar rauður þráður. Að umgjörð atvinnugreinarinnar, farvegur leyfismála og eftirlits séu í lagi til að tryggja sjálfbærni atvinnugreinarinnar. Sveitarfélög á Vestfjörðum hafa um langa hríð kallað eftir að löggjöf um gjaldtöku hafna sé endurskoðuð og að auðlindagjöld sem fyrirtækin greiða fari til uppbyggingar innviða sveitarfélaganna. Hagsmunir alls samfélagsins snúast um að byggð sé upp atvinnugrein sem er í sátt við samfélag og umhverfi og að á öllum stigum séu leikreglur skýrar. Á fundi Samráðsnefndar um fiskeldi sem haldinn var föstudaginn 4. júní sl. lagði framkvæmdastjóri Vestfjarðastofu ásamt Bjarna Jónssyni, fiskifræðingi fram bókun þar sem hvatt er til að núverandi gjaldaumhverfi hafna verði endurskoðað, að reglugerð fyrir Umhverfissjóð sjókvíaeldis verði endurskoðuð og sett verði reglugerð um fiskeldissjóð.

Sýningin Einangrun verður sýnd á Ísafjarðarflugvelli sunnudaginn 13. júní. Aðgangur er ókeypis.

Þinggerð 66. Fjórðungsþings er komin á vef Vestfjarðastofu. Þingið fór fram á Bjarkalundi í Reykhólahreppi og var þar m.a fjallað um skýrslu stjórnar fyrir árið 2020, ársreikninga FV, fyrirhugaðar breytingar á þingsköpum og dagsetningu og umfjöllunarefni 66. Fjórðungsþings Vestfirðinga að hausti 2021

Aðalfundur Vestfjarðastofu var haldinn í Bjarkalundi í dag.

66. Fjórðungsþingi Vestfirðinga lauk nú um hádegið. Lagðar voru fram tillögur um umræðuefni á ársþinginu sem haldið verður í haust.