Fréttir

SSV birti á dögunum skýrslu þar sem dregin er fram afstaða innflytjenda í nýlokinni íbúakönnun landshlutanna og hún borin saman við afstöðu Íslendinga. Einnig var hún borin saman við afstöðu innflytjenda árið 2020 þegar síðasta könnun var framkvæmd.

69. Fjórðungsþing að sumri var haldið í dag. Um var að ræða þing samkvæmt ákvörðun 69. Fjórðungsþing að vori, þess efnis að, dagskrárliðnum kosning kjörnefndar fyrir haustþing á miðju kjörtímabili sveitastjórna væri frestað vegna kosninga í nýju sameiginlegu sveitarfélagi Vesturbyggðar og Tálknafjarðarhrepps.

69. Fjórðungsþing Vestfirðinga að sumri verður haldið í dag 19. júní 2024 kl 11:00. Fundurinn er haldinn í fjarfundi

Vestfjarðastofa stóð fyrir veffundi um samfélagslega nýsköpun í síðustu viku. Vel var mætt á fundinn og ljóst að talsverður áhugi ríkir á málefninu. Hugtakið er fremur lítt þekkt hér á landi þó óhætt sé að fullyrða að fjölmargir starfi á sviði samfélagslegrar nýsköpunar eða leggi til við hana með framlagi sínu. Kveikjan að fundinum var þátttaka Vestfjarðastofu í Evrópuverkefninu MERSE sem er innan Norðurslóðaáætlunarinnar og snýr að því að þróa viðskiptamódel, stuðningskerfi og umgjörð fyrir samfélagsfrumkvöðla sem annað hvort vilja stofna eða þróa samfélagsdrifin verkefni í dreifðum byggðum.

Í gær hófst tónlistarhátíðin Við Djúpið á Ísafirði. Sól skein skært á hátíðargesti sem hafa til margs að hlakka næstu daga, en glæsileg dagskrá hátíðarinnar stendur til 22. júní. Fjölmargir listamenn koma fram og leika fjölbreytt verk fyrir gesti, en hátíðin byggir ekki síður á metnaðarfullum námskeiðum fyrir tónlistarfólk og verða þau í gangi alla vikuna.

Dagana 4.-6. júní fór fram ráðstefna félags fiskeldisstöðva í höfuðstöðvum Arion banka. Viðburðurinn var vel sóttur af helstu hagsmunaaðilum innan fiskeldisgeirans og íslenskum fjárfestum. Dagskrá ráðstefnunnar var fjölbreytt og mörg áhugaverð erindi.

Birtar hafa verið niðurstöður íbúakönnunar landshlutanna sem framkvæmd var á landinu öllu sl. vetur. 586 manns af Vestfjörðum tóku þátt í könnuninni sem er 42% af úrtaki og 5% lægra svarhlutfall en í síðustu könnun sem var framkvæmd árið 2020.

Ný og endurbætt Skapa.is er komin í loftið. Um er að ræða nýsköpunargátt, upplýsingaveitu og fræðsluvef fyrir frumkvöðla og aðra aðila sem eru að stíga sín fyrstu skref í nýsköpunarumhverfinu. Skapa.is er ætlað að vera einn af grunninnviðum í stuðningi við frumkvöðla til að láta hugmyndir þeirra verða að veruleika.

Baskasetur Íslands hóf starfsemi með því að opna sýninguna 1615 í einum af síldartönkunum í Djúpavík.

Vestfjarðaleiðin er ferðamannaleið um Vestfirði og Dali með einstökum áningarstöðum og upplifunum þar sem auðvelt er að kanna króka og kima svæðisins og upplifa óspillta náttúru. Á svæðinu eru líka fjölmargir matvælaframleiðendur, handverksfólk og aðrir smáframleiðendur sem með framlagi sínu bæta enn frekar á jákvæða upplifun gestanna sem sækja okkur heim.