Fréttir

Haustið er nú formlega gengið í garð með fyrsta degi októbermánaðar. Út er komið fréttabréf Vestfjarðastofu fyrir septembermánuð sem gefur innsýn í þau fjölbreyttu verkefni sem starfsfólkið tekst á við.

Opnað hefur verið fyrir umsóknir í Uppbyggingarsjóð Vestfjarða.

Í góðum félagsskap - Opinn kynningardagur á félagsstarfi á norðanverðum Vestfjörðum! Ísafjarðarbær og Bolungarvíkurkaupstaður í samstarfi við Vestfjarðastofu standa fyrir kynningu á félagsstarfi á svæðinu.

Menningarfulltrúar landshlutanna hittust á haustfundi á dögunum og óku Vestfjarðaleiðina.

Í tilefni þess að 30 ár eru síðan að samningur um Evrópska efnahagssvæðisins (EES) tók gildi, og veitti Íslandi aðgang að auknum tækifærum til samstarfs í Evrópu, mun Evrópurútan fara hringinn um landið í september þar sem vakin verður athygli á árangri af Evrópuverkefnum í heimabyggð og tækifærum til framtíðar í alþjóðasamstarfi.

Hafsjór af hugmyndum auglýsir styrki til háskólanema vegna lokaverkefna. Styrkupphæð getur numið allt að einni milljón króna fyrir verkefni sem hafa það að markmiði að skapa aukin verðmæti úr sjávarauðlindum eða efla atvinnulíf á Vestfjörðum. Það er sjávarútvegsklasi Vestfjarða sem stendur að baki Hafsjó af hugmyndum og fer Vestfjarðastofa með umsýslu verkefnisins.

Í gær, 12. september opnaði fyrir umsóknir í Framkvæmdasjóð ferðamannastaða fyrir verkefni sem eiga að koma til framkvæmda árið 2025. Umsóknarfrestur er til kl. 13:00 þriðjudaginn 15. október n.k.

Komin er út hjá Vestfjarðastofu skýrslan Þjóðgarðar á Vestfjörðum - sóknarfæri í byggðaþróun. Þar eru skoðaðir þeir möguleikar sem hafa verið nefndir í umræðunni um þjóðgarð á Vestfjörðum með tilliti til fyrirliggjandi þátta.

Ísafjarðarbær og Bolungarvíkurkaupstaður í samstarfi við Vestfjarðastofu standa fyrir kynningardegi á félagsstarfi á norðanverðum Vestfjörðum. Viðburðurinn sem hefur fengið heitið Í góðum félagsskap fer fram laugardaginn 21. september í Edinborgarhúsinu, frá kl. 14:00-16:00.

Fimmtudaginn 12. september standa Ferðamálastofa, Skipulagsstofnun og Miðstöð hönnunar og arkitektúrs að kynningarfundi fyrir alla þá sem koma að uppbyggingu ferðamannastaða með einum eða öðrum hætti.