Fréttir

Hæfnisetur ferðaþjónustunnar, Samtök ferðaþjónustunnar og Markaðsstofur landshlutanna bjóða til Menntamorguns ferðaþjónustunnar miðvikudaginn 23.október frá 11:00-11:45. Fundurinn verður í beinu streymi á Facebook.

Nú klukkan 11 hefst 69. Fjórðungsþing Vestfirðinga að hausti á Laugarhóli í Bjarnarfirði og stendur það í dag og á morgun. Viðfangsefni þingsins er þríþætt. Vinnustofa um framtíðarsýn Vestfjarða sem er liður í gerð vinnslutillögu Svæðisskipulags Vestfjarða, kynning á nýrri Sóknaráætlun Vestfjarða 2025-2029 og síðan hefðbundin þingsstörf samkvæmt 11. gr samþykkta og afgreiðsla ályktana.

HMS, Tryggð byggð og Samtök iðnaðarins í samstarfi við Vestfjarðarstofu boðar til fundar um stöðu íbúðauppbyggingar á Vestfjörðum. Fundurinn verður haldin í Bryggjusalnum í Edinborgarhúsinu á Ísafirði mánudaginn 21. október og hefst kl. 12:00. Boðið verður upp á súpu og brauð. Fundinum verður einnig streymt á facebook síðu HMS.

Sigríður Ólöf Kristjánsdóttir og Jóhanna Ösp Einarsdóttir, fyrir hönd Vestfjarðastofu, undirrituðu í dag tímamótasamning við Ásmund Einar Daðason, mennta- og barnamálaráðherra, um svæðisbundin farsældarráð. Samningurinn var gerður við öll sjö landshlutasamtök sveitarfélaga hér á landi og fól hann í sér ráðningu verkefnisstjóra.

Sóknaráætlun Vestfjarða 2025-2029 hefur verið sett í opið samráðferli þar sem allir geta sent inn ábendingar og tillögur varðandi áætlunina, markmið hennar og innihald. Sóknaráætlun Vestfjarða er fimm ára aðgerðaáætlun sem ætlað er að vera leiðarljós í þróun landshlutans á tímabilinu.

Þingmannafundur Norðvesturkjördæmis var haldinn í Edinborgarhúsinu fimmtudaginn 3. október. Flestir þingmenn kjördæmisins eða Bergþór Ólason, Bjarni Jónsson, Eyjólfur Ármannsson, Halla Signý Kristjánsdóttir, Stefán Vagn Stefánsson og Teitur Björn Einarsson voru þangað mættir til fundar með sveitarstjórnarfólki á Vestfjörðum. Einnig voru þar Sigríður Ólöf Kristjánsdóttir og Aðalsteinn Óskarsson fyrir hönd Vestfjarðastofu.

CURIOUS TOOLS AI Í FERÐAÞJÓNUSTU HVAÐ? Taktu þátt í Curious Tools, fjögurra daga vinnustofu sem miðar að því að hjálpa atvinnurekendum í ferðaþjónustu á Vestfjörðum að uppgötva umbreytandi möguleika gervigreindar (AI). Lærðu hvernig AI getur bætt rekstur fyrirtækisins, bætt upplifun viðskiptavina og stuðlað að sjálfbærri ferðaþjónustu. Á vinnustofunni verða hagnýt verkefni, leiðsögn sérfræðinga og tæki sem aðstoða þig við að aðlagast breyttu landslagi í ferðaþjónustu.

KLAK – Icelandic startups eru nú í kynningarferð um landið og verða þau á Ísafirði í hádeginu 9. október í húsakynnum Vestfjarðastofu við Suðurgötu 12. Tilgangur ferðarinnar er að hvetja til nýsköpunar, fræða og upplýsa um hvað er í boði fyrir þau sem hafa legið á hugmyndum sínum hvort sem það er innan ferðaþjónustunnar eða í öðrum greinum

Ferðasýningin Vestnorden fór fram í Færeyjum dagana 24. og 25. september, og hefur þar þátttaka aldrei verið meiri en nú. Um 70 íslensk fyrirtæki tóku þátt, meðal þeirra Markaðsstofa Vestfjarða ásamt fyrirtækjunum Fantastic Fjords og Vesturferðum sem í sameiningu héldu uppi merkjum Vestfjarða. Ferðasýningin Vestnorden, sem haldin er af NATA (North Atlantic Tourism Association), er stórviðburður í ferðaþjónustu Norður-Atlantshafsins.

Sunnudaginn 3. nóvember fer fram leiðtoganámskeið fyrir íbúa á Vesturlandi, Vestfjörðum og Norðurlandi vestra á Hótel Laugarbakka. Námskeiðið er leitt af Jóni Halldórssyni hjá mennta- og þjálfunarfyrirtækinu KVAN og er það að kostnaðarlausu fyrir öll áhugasöm sem búsett eru á áðurnefndum svæðum. Það er verkefnið Leiðir til byggðafestu sem býður upp á námskeiðið og eru það landshlutasamtökin Fjórðungssamband Vestfirðinga (FV), Samtök sveitarfélaga á Vesturlandi (SSV) og Samtök sveitarfélaga á Norðurlandi vestra (SSNV) standa sameiginlega að því.