Fréttir

Vestfjarðastofa auglýsir nýtt starf verkefnastjóra farsældar á Vestfjörðum. Verkefnið er samstarf Vestfjarðastofu og mennta- og barnamálaráðuneytisins og ráðið er tímabundið til tveggja ára.

Komin er á heimasíðu okkar þinggerð 69. Fjórðungsþings að hausti. Þar má kynna sér allt sem fram fór á þinginu; þau ávörp sem flutt voru, þau þingmál sem lögð voru fram, erindi framsögufólks og afgreiðslu ályktana. Einnig má þar nú finna samantekt á öllum ályktunum.

Vestfjarðastofa er þátttakandi í MERSE sem er verkefni á vegum Norðurslóðaáætlunar Evrópusambandsins. Fyrr í mánuðinum héldu Þórkatla Soffía Ólafsdóttir og Anna Sigríður Ólafsdóttir, starfsmenn Vestfjarðastofu til Írlands á annan staðfund verkefnisins, sem snýr að samfélagslegri nýsköpun.

Lilja Dögg Alfreðsdóttir, ferðamálaráðherra fyrir hönd Menningar- og viðskiptaráðuneytis hefur undirritað samning við Vestfjarðastofu um þróun vetrarferðaþjónustu á Vestfjörðum. Um er að ræða 20 milljóna króna stuðning til tveggja ára við verkefni sem miðar að því að lengja ferðamannatímabilið á svæðinu.

Senn líður að lokum þjónustukönnunar Byggðastofnunar sem staðið hefur yfir um nokkurt skeið. Heilt yfir hefur ekki gengið nægjanlega vel að fá svör af Vestfjörðum og viljum við eindregið hvetja íbúa til að leggja könnunni lið svo sjá megi hvernig þið sjálf metið þjónustu í ykkar nærumhverfi. 

Umhverfis-, orku og loftslagsráðuneytið, Landsvirkjun, Orkubú Vestfjarða og Vestfjarðastofa hafa endurnýjað samstarf sitt um Bláma til ársins 2026, en samstarfsverkefnið sem verið hefur í gangi frá 2021 styður við orkuskipti og verðmætasköpun á Vestfjörðum og landinu öllu.

Um þessar mundir er opið í Uppbyggingarsjóð Vestfjarða vegna verkefna sem eiga að koma til framkvæmda árið 2025. Í vikunni verða opnar vinnustofur vegna umsóknagerða, en umsóknarfrestur er til kl. 16, þann 31. október.

Fjórðungsþingi Vestfirðinga að hausti sem haldið var á Laugarhóli Bjarnarfirði er nú lokið. Þingið var virkt og líflegt, og góð mæting hjá sveitarstjórnarfulltrúum á svæðinu. Fjöldi ályktana lá fyrir þinginu og að loknum nefndarstörfum og afgreiðslu ályktana voru samþykktar af þinginu 18 ályktanir.

Seinni dagur 69. Fjórðungsþings Vestfirðinga að hausti er runninn upp og klukkan níu hófust nefndarstörf í allsherjarnefnd. Kjörnir fulltrúar skiptast niður í fjóra hópa sem vinna með ályktanirnar sem lagðar voru fyrir þingið og eru í eftirfarandi flokkum: samgöngur, auðlindir umhverfisins, almannaheill og nýsköpun til framtíðar.

Fjórðungsþing Vestfirðinga að hausti hófst í dag. Jóhanna Ösp Einarsdóttir, fráfarandi formaður Fjórðungssambands Vestfirðinga, setti þingið og gerði að tillögu að þingforseti yrði Matthías Sævar Lýðsson, sem tók við fundarstjórn. Mættir voru 38 þingfulltrúa með 100% atkvæðavægi að meðtöldum umboðum. Fyrir þingið voru lögð 28 mál að viðbættum tveimur breytingartillögum sem verður tekið fyrir í nefndarstörfum í fyrramálið.