Fréttir

Þann 8. febrúar n.k. stendur Vestfjarðastofa fyrir málþinginu Af hverju orkuskipti? Loftslags- og orkuskiptaáætlanir sveitarfélaga. Það fer fram í Edinborgarhúsinu á Ísafirði og dagskrána prýðir úrval áhugaverðra erinda um áhrif loftslagsbreytinga.

Bolungarvíkurkaupstaður og Vesturbyggð hafa auglýst eftir styrkumsóknum vegna menningar- og ferðamála í sveitarfélögunum. Opið fyrir móttöku umsókna á vefsvæðum þeirra til 1. febrúar n.k.

Á morgun þriðjudaginn 16. janúar hefst Ferðaþjónustuvikan með Nýársmálstofu ferðaþjónustunnar í húsakynnum KPMG í Borgartúni. Hún er haldin í samstarfi Íslenska ferðaklasans, KPMG og SAF. Eftir hádegið tekur MICEland við í Grósku, vinnustofa og uppskeruhátíð fyrirtækja í ráðstefnu- og hvataferðaþjónustu á vegum Íslandsstofu/Meet in Reykjavík.

Vegagerðin stendur fyrir morgunfundi fimmtudaginn 18. janúar kl. 09:00-10:15. Fjallað verður um rekstur og þjónustu í jarðgöngum á Íslandi og hvernig er staðið að vöktun þeirra. Einnig verður farið yfir hvernig brugðist er við þegar eldur kviknar í bíl í jarðgöngum en slíkt atvik átti sér stað í Hvalfjarðargöngum síðla árs 2023.

Opið er fyrir skráningar í Gulleggið – stærstu frumkvöðlakeppni á Íslandi. Hægt er að skrá sig hér, til og með 19. Janúar n.k. Ef vestfirskir frumkvöðlar skrá sig til leiks í dag eiga þeir möguleika á að vinna flug til Reykjavíkur á Masterclass sem verður dagana 20. og 21. janúar.

Þróunarsjóður Flateyrar úthlutar nú í fimmta og síðasta sinn. Sjóðurinn styrkir nýsköpunar- og samfélagsverkefni sem efla atvinnu- og mannlíf á Flateyri og Önundarfirði og er gert ráð fyrir 20 milljónum til úthlutunar.

Síðasti virki dagur desembermánaðar er runninn upp og því er fréttabréf Vestfjarðastofu fyrir mánuðinn komið út. Þar er farið yfir það helsta sem var í gangi hjá okkur í mánuðinum, auk þess sem SIgríður Kristjánsdóttir, framkvæmdastjóri Vestfjarðastofu tæpir á helstu málum fjórðungsins á árinu.

Stjórn og starfsfólk Vestfjarðastofu sendir hugheilar jólakveðjur til Vestfirðinga og landsmanna allra 

Orkubú Vestfjarða hefur hafist handa við að bora eftir heitu vatni á Gálmaströnd, yst í Steingrímsfirði. Komið er á aðra viku síðan boranir hófust og er búið að bora niður á 400 metra dýpi. Á um 380 metra dýpi fannst 25 gráðu heitt vatn og lofar framhaldið góðu um að heitara vatn finnist þegar neðar dregur. Verklok eru áætluð um mánaðamótin janúar-febrúar. Sigurður Líndal Þórisson verkefnastjóri Sterkra Stranda er afar ánægður með þetta mikla framframaskref og segir að þátttaka svæðisins í brothættum byggðum hafi mikið að segja

Undirbúningur nýrrar námsbrautar við Menntaskólann á Ísafirði sem hefur hlotið nafnið hafbraut stendur enn yfir. Ákall hefur verið eftir námi á framhaldsskólastigi sem veitir ungu fólki sem hyggur á störf í fiskeldi og haftengdum greinum viðeigandi þekkingu og þjálfun. Í janúar á þessu ári undirritaði Menntaskólinn á Ísafirði samstarfssamning við fiskeldisfyrirtækin Arctic Fish, Arnarlax og Háafell, auk Vestfjarðastofu, um nám sem kenndi grunnþætti slíkra starfa. Gengið var til samninga við Sigríði Gísladóttur, dýralækni, að taka að sér verkefnisstjórn við uppbyggingu brautarinnar í marsmánuði. Sigríður segir að þó ekki hafi gengið eins hratt að koma brautinni á laggirnar og vonast var til í upphafi gangi undirbúningur ágætlega og í mörg horn sé að líta við verk sem þetta.