Fréttir

Hæfnisetur ferðaþjónustunnar og SAF boða til Menntamorguns ferðaþjónustunnar í streymi. Á fundinum verður kynning á megináherslum aðgerðaáætlunnar ferðamálastefnu til 2030. Fyrstu drög aðgerða voru nýlega birt í samráðsgátt. Áhersla fundarins verður á tillögur aðgerða sem efla hæfni og gæði í ferðaþjónustu.

Umsóknarfrestur til að skila inn umsóknum í Uppbyggingarsjóð Vestfjarða rann út 2. nóvember. Alls bárust 78 umsóknir, sem er nokkru færra en í meðalári, 48 umsóknir til menningarverkefna, 4 umsóknir um stofn- og rekstrarstyrki og 26 til atvinnuþróunar- og nýsköpunarverkefna. Alls var sótt um 117,8 milljónir króna, en heildarkostnaður verkefna er rúmlega 415 milljónir króna.

Íbúakönnun landshlutanna er nú í fullum gangi. Könnunin er á vegum Byggðastofnunar, landshlutasamtakanna og atvinnuþróunarfélaga og er hún ætluð öllum íbúum á Íslandi sem náð hafa 18 ára aldri. Tilgangur hennar er að kanna hug íbúa til búsetuskilyrða, aðstæðna á vinnumarkaði og afstöðu til annarra mikilvægra atriða.

Athugið að fundinum hefur verið frestað vegna tafa á flugsamgöngum. Nýr fundartími auglýstur síðar. Embætti ríkissáttasemjara verður með spjallfund á Ísafirði mánudaginn 27. nóvember á milli klukkan 14 og 15:30. Fundurinn verður haldinn í húsnæði Vestfjarðastofu að Suðurgötu 12.

Fimmtudaginn 16. nóvember 2023 verður fyrsti fundur Sóknarhóps Vestfjarðastofu, sem er nýr vettvangur atvinnu- og byggðaþróunar auk Markaðsstofu Vestfjarða. Hugmyndin er að ná saman fyrirtækjum á Vestfjörðum og skapa þannig samstarfsvettvang til að vinna enn betur að hagsmunum fyrirtækja á Vestfjörðum.

Vestfirðir voru með fulltrúa á einni af stærri ferðasýningum heims í síðustu viku. Ferðasýningin World Travel Market eða WTM var haldin í London dagana 6-8. nóvember og var þar að finna sérstakan þjóðarbás Íslands, sem Íslandsstofa hélt utan um.

Fimmtudaginn 16. nóvember verður haldinn opinn fundur um atvinnuuppbyggingu og þróun íbúðarmarkaðar í landsbyggðunum. Fundurinn verður haldinn í Bryggjusalnum í Edinborgarhúsinu á Ísafirði kl. 12:15 og er opinn öllum.

Byggðaráðstefnan 2023 var haldin í Hljómahöllinni í Reykjanesbæ í síðustu viku undir yfirskriftinni Búsetufrelsi? Það voru Byggðastofnun, Samband íslenskra sveitarfélaga, Samband sveitarfélaga á Suðurnesjum og Reykjanesbær sem stóðu að ráðstefnunni, sem var öll hin glæsilegasta.

Rannís, Samband Íslenskra sveitarfélaga og Vestfjarðarstofa standa fyrir opnum fundi um græna styrki á Ísafirði þann 27. nóvember 2023.

Starfshópar um aðgerðaráætlun fyrir ferðamálastefnu til 2030 hafa nú skilað fyrstu drögum stefnunnar. Hafa þau verið sett í opið samráð í samráðsgátt stjórnvalda sem hægt er að gera athugasemdir við til 23.11.2023