Fréttir

Á morgun hefst 68. Fjórðungsþing Vestfirðinga að hausti. Að þessu sinni er Fjórðungsþingið haldið í Félagsheimilinu í Bolungarík og stendur það föstudag og laugardag. Yfirskrift þingsins í ár er umhverfi og ímynd Vestfjarða.

Síðla vors kallaði Stofnun Ólafs Ragnars Grímssonar eftir umsóknum um fræðadvöl í Grímshúsi. Óhætt er að segja að brennandi áhugi hafi verið fyrir því að koma til Ísafjarðar og leggja stund á fræðastörf því alls bárust 251 umsókn frá umsækjendum í um 60 löndum.

Haustið hellist nú yfir norðurhvel jarðar og er dásamleg litapallettan sem ber fyrir augu traust vitni þess. Hjá flestum hafa hinar föstu skorður hversdagslífsins nú tekið yfir og hefur fólk í nógu að snúast. Sama á við hjá starfsfólki Vestfjarðastofu sem fjallar hér um nokkur af verkum septembermánaðar. Fréttabréf mánaðarins er komið út, stútfullt að vanda.

Opnað hefur verið fyrir umsóknir í Uppbyggingarsjóð Vestfjarða og stendur hann opin fram til 2. nóvember næstkomandi. Uppbyggingarsjóður er samkeppnissjóður sem styrkir verkefni sem falla að Sóknaráætlun Vestfjarða

Púkanum er nú lokið og tókst vel til með þessa fyrstu sameiginlegu barnamenningarhátíð sem haldin er um Vestfirði alla. Vestfjarðastofa leiddi vinnuna við hátíðina í góðu samstarfi við grunnskólana á svæðinu og menningarstofnanir. Púkanum lauk með glæsilegum lokahátíðum allra vestfirskra grunnskólabarna.

Opnað hefur verið fyrir umsóknir um framlög sem veitt eru á grundvelli stefnumótandi byggðaáætlunar fyrir árin 2022-2036 vegna verkefna sem tengjast aðgerð A.9 Verslun í dreifbýli.

Púkinn, barnamenningarhátíð Vestfjarða er í fullum gangi. Við erum nú stödd í seinni viku af þessari tæplega tveggja vikna menningarveislu vestfirskra barna. Fullt af frábærum viðburðum lokið og enn skemmtilegt lista- og menningarlíf iðandi út um allar koppagrundir.

Framkvæmdasjóður ferðamannastaða hefur opnað fyrir umsóknir um styrki fyrir árið 2024. Umsóknarfrestur er til kl. 13 þriðjudaginn 19. október.

Á mánudag hefst barnamenningarhátíðin Púkinn. Hátíðin er ætluð öllum grunnskólabörnum á Vestfjörðum og er hún sú fyrsta sinnar tegundar á svæðinu. Í dag fór í loftið heimasíða hátíðarinnar undir slóðinni pukinnhatid.is

Sjálfboðaliðaáætlunin European Solidarity Corps hefur upp á heilmargt að bjóða fyrir ungt fólk á aldrinum 18-30 ára. Annars vegar er það með sjálfboðaliðaáætlun sem ungir Íslendingar geta sótt um að vera þátttakendur í og geta íslensk samtök, fyrirtæki og stofnanir sótt um að fá sjálfboðaliða til sín. ESC er hins vegar með styrki til samfélagsverkefna sem öll ungmenni á aldrinum 18-30 ára geta sótt um. Það geta verið afar fjölbreytt verkefni sem geta tengst fólki á öllum aldri.