Fréttir

Hér er samantekt af íbúaþingi í Árneshreppi sem haldin var 12.og 13.júní sl. Á þinginu ræddu íbúar sveitarfélagsins stöðuna og framtíð sveitarfélagsins.

Skrifstofa Fjórðungssambands Vestfirðinga á Ísafirði verður lokuð vegna sumarleyfa frá og með 24.júlí til 8.ágúst nk. Fyrirspurnir er hægt að senda á póstfangið fv@vestfirdir.is  .

kynningarfundur um endurskoðun á byggðakvóta verður haldinn í Félagsheimilinu á Þingeyri mánudaginn 10.júlí kl.12:00 - 14:00 Þóroddur Bjarnason, formaður starfshóps um þessi mál mun kynna tillögur starfshópsins. Tillögur starfshópsins verða birtar opinberlega viku síðar, en frestur til að skila athugasemdum við tillögurnar rennur út í lok júlí.  Sveitarstjórnarfólk og hagsmunaaðilar eru sérstaklega hvött til að mæta.  .

Íbúaþing verður haldið í Árneshreppi dagana 12.og 13.júní.Þingið verður haldið í félagsheimilinu í Árnesi og er ætlað fyrir íbúa og þá sem eiga rætur eða dvelja hluta úr ári í byggðarlaginu.

Stjórn Fjórðungssambands Vestfirðinga mótmælir harðlega lokun útibús Sýslumannsins á Vestfjörðum í Bolungarvík, en starfsemi útibúsins var lögð niður þann 31. maí s.l.. 

62. Fjórðungsþing Vestfjarða var haldið í Félagsheimilinu Bolungarvík, miðvikudaginn 24. maí s.l.. Þingið sóttu 30 fulltrúar úr sveitarstjórnum á Vestfjörðum. Þingið er nú haldið í annað sinn með breyttu sniði með áherslu á ársfundarmál en málefnaþing eru síðan haldin að hausti. Mikilsverð mál kölluðu hinsvegar á að vera tekin til umræðu þ.e. stofnun og mótun framtíðarsýnar Vestfjarðastofu og innviðamál. Afgreiddi þingið umboð til stjórnar FV að stofna Vestfjarðastofu með sameiningu starfsemi FV og Atvinnuþróunarfélags Vestfjarða. Góður rómur var síðan í umræðu um eflingu raforkukerfis á Vestfjörðum, byggingu virkjana og uppbygging flutningskerfis. 

Verkefnastjóri, Sif Huld Albertsdóttir, greindi frá starfinu í tengslum við þjónustusamningana. Markmiðið er að tryggja heildstæða þjónustu í samræmi við þarfir og skiptist starfsemin í nokkra flokka.

Úthlutað hefur verið úr Uppbyggingarsjóði Vestfjarða. Þetta er aukaúthlutun og voru 13 milljónir króna til úthlutunar. Úthlutunarnefnd, sem er skipuð níu manns víðsvegar að úr fjórðungnum, átti ekki auðvelt verk fyrir höndum, því 52 umsóknir bárust og voru margar mjög spennandi hugmyndir að baki þeim. Ákveðið var að veita 11 verkefnum styrk og má sjá lista fyrir þau hér fyrir neðan. Næsta úthlutun verður svo væntanlega auglýst í nóvember, en það er aðalúthlutun fyrir árið 2018.

62. Fjórðungsþing verður haldið í Félagsheimili Bolungarvíkur miðvikudaginn 24. maí nk. Dagskrá þingsins verður eftirfarandi.

Í byrjun árs 2017 voru landsmenn 338.349 en landsmönnum hefur fjölgað um 5.820 frá sama tíma árið áður eða 1,8% samkvæmt upplýsingum frá Hagstofu Íslands. Íbúafjöldi á Vestfjörðum 1. janúar 2017 eru samkvæmt hagstofu 6.870 manns eða um 2,03%  af íbúafjölda landsins. Í byrjun árs 2016 voru Vestfirðinga 6.883 og hefur því fækkað um þrettán manns á milli ára er greinilegt að fækkunin á svæðinu er að hægja á sér og er líklega hægt að þakka það mikli uppbyggingu atvinnu á Vestfjörðum, og þá sér í lagi á sunnanverðum Vestfjörðum.