Fréttir

Vestfjarðastofa auglýsir eftir verkefnastjóra með starfsstöð á Patreksfirði. Verkefnastjóri mun sinna verkefnum sem varða atvinnulíf og byggðaþróun á Vestfjörðum svo sem samstarfi við fyrirtæki og stofnanir á svæðinu.Vestfjarðastofa er að leita að verkefnastjóra sem hefur samskiptahæfni, frumkvæði og aðlögunarhæfni í breytilegum aðstæðum og fjölbreyttum verkefnum. Mikilvægt er að verkefnastjóri geti unnið bæði sjálfstætt og sem hluti af teymum.

Vinnumálastofnun/velferðarráðuneytið auglýsir styrki til atvinnumála kvenna árið 2018 lausa til umsóknar.

Markmið jöfnunarstyrkja er að styðja við framleiðsluiðnað og atvinnuuppbyggingu á landsbyggðinni með því að jafna flutningskostnað framleiðenda sem eru með framleiðslu og lögheimili fjarri innanlandsmarkaði eða útflutningshöfn og búa við skerta samkeppnisstöðu vegna hærri flutningskostnaðar en framleiðendur staðsettir nær markaði.

Sig­ríður Ó. Kristjáns­dótt­ir hef­ur verið ráðin sem fram­kvæmda­stjóri Vest­fjarðastofu. Sigríður er fimm­tug og er með meistarapróf í for­ystu og stjórn­um frá há­skól­an­um á Bif­röst og hef­ur und­an­far­in ár starfað sem verk­efna­stjóri hjá Ný­sköp­un­ar­miðstöð Íslands.

Á undanförnum 10 árum, rúmlega, hafa íbúar á Vestfjörðum horft til þess að virkjun Hvalár í Ófeigsfirði verði hornsteinn að öflugra raforkukerfi á svæðinu og að með því skrefi verði Vestfirðir á pari við aðra landshluta þegar horft er til afhendingaröryggis og mögulegrar framþróunar í atvinnumálum.  Allan þann tíma hafa sveitarstjórnarmenn ítrekað ályktað á þá leið að tengja skuli Hvalárvirkjun inn á raforkukerfið á norðanverðum Vestfjörðum.  

Fjórðungssamband Vestfirðinga óskar samstarfsaðilum og landsmönnum öllum gleðilegra jóla. 

Úhlutað hefur verið úr Uppbyggingarsjóði Vestfjarða fyrir árið 2018.99 umsóknir bárust og 60 styrkvilyrði voru veitt.Hér má sjá hverjir hlutu styrkvilyrði. .

Úthlutun úr Uppbyggingarsjóði Vestfjarða fyrir árið 2018   Úthlutunarnefnd Uppbyggingarsjóðs Vestfjarða hefur nú lokið við að fara yfir umsóknir um styrki vegna ársins 2018.

Stjórn Vestfjarðastofu ses. auglýsir eftir framkvæmdastjóra til þess að leiða starfsemi Vestfjarðastofu sem tók til starfa 1. desember sl.  Vestfjarðastofa varð til við sameiningu verkefna sem áður heyrðu undir Fjórðungssamband Vestfirðinga og Atvinnuþróunarfélag Vestfjarða hf.  

Um nokkurt skeið hefur staðið yfir undirbúningur að stofnun Vestfjarðastofu ses. Vestfjarðastofa mun taka að sér að reka og þróa áfram þau verkefni sem Fjórðungssamband Vestfirðinga og Atvinnuþróunarfélag Vestfjarða hafa sinnt hingað til. Miðað er við að Vestfjarðastofa verði sjálfseignarstofnun og að stofnfélagar verði sveitarfélög, fyrirtæki, stofnanir og félagasamtök á Vestfjörðum og víðar. Tilgangur Vestfjarðastofu verður að vinna að hagsmunamálum íbúa, sveitarfélaga, stofnana og fyrirtækja á Vestfjörðum og veita margháttaða ráðgjöf og þjónustu tengda atvinnulífi, byggðaþróun og menningu á Vestfjörðum.