Fréttir

Úhlutað hefur verið úr Uppbyggingarsjóði Vestfjarða fyrir árið 2018.99 umsóknir bárust og 60 styrkvilyrði voru veitt.Hér má sjá hverjir hlutu styrkvilyrði. .

Úthlutun úr Uppbyggingarsjóði Vestfjarða fyrir árið 2018   Úthlutunarnefnd Uppbyggingarsjóðs Vestfjarða hefur nú lokið við að fara yfir umsóknir um styrki vegna ársins 2018.

Stjórn Vestfjarðastofu ses. auglýsir eftir framkvæmdastjóra til þess að leiða starfsemi Vestfjarðastofu sem tók til starfa 1. desember sl.  Vestfjarðastofa varð til við sameiningu verkefna sem áður heyrðu undir Fjórðungssamband Vestfirðinga og Atvinnuþróunarfélag Vestfjarða hf.  

Um nokkurt skeið hefur staðið yfir undirbúningur að stofnun Vestfjarðastofu ses. Vestfjarðastofa mun taka að sér að reka og þróa áfram þau verkefni sem Fjórðungssamband Vestfirðinga og Atvinnuþróunarfélag Vestfjarða hafa sinnt hingað til. Miðað er við að Vestfjarðastofa verði sjálfseignarstofnun og að stofnfélagar verði sveitarfélög, fyrirtæki, stofnanir og félagasamtök á Vestfjörðum og víðar. Tilgangur Vestfjarðastofu verður að vinna að hagsmunamálum íbúa, sveitarfélaga, stofnana og fyrirtækja á Vestfjörðum og veita margháttaða ráðgjöf og þjónustu tengda atvinnulífi, byggðaþróun og menningu á Vestfjörðum.

Undanfarna mánuði hefur Markaðsstofa Vestfjarða unnið að gerð áfangastaðaáætlun fyrir Vestfirði. Um er að ræða verkefni sem leitt var af Ferðamálastofu og Stjórnstöð ferðamála og síðan samið við Markaðsstofur landshlutanna um að halda um vinnuna á verkefninu.

Sú ákvörðun sveitarfélaganna níu  að vinna í sameiningu að því að fá starfsemi sína umhverfisvottaða er skerf í þá átt að skapa þekkingarsamfélag með sjálfbærni að leiðarljósi. Í því viðskiptalega umhverfi og í ljósi þeirrar hnattvæðingar sem ríkir í heiminum í dag  telja sveitarstjórnarmenn það vera mjög jákvæða stefnu að fá  starfsemi sveitarfélaganna umhverfisvottaða. Líklegt er að það hafi  jákvæð áhrif á markaðssetningu á hverskonar afurðum er koma frá svæðinu og veki athygli ferðamanna. Fjögur sveitarfélög af níu á Vestfjörðum samþykktu Staðardagskrá 21 á sínum tíma og eru það sveitarfélögin; Ísafjarðarbær, Strandabyggð, Reykhólahreppur og Tálknafjarðarhreppur. 

Nú hefur verið opnað fyrir umsóknir í Uppbyggingarsjóð Vestfjarða.Úr sjóðnum eru veittir styrkir til atvinnuþróunar- og nýsköpunarverkefna, menningarverkefna og stofn- og rekstrarstyrkir til menningarstofnana.

Á fyrsta fundi nýskipaðrar verkefnisstjórnar Brothættra byggða í Árneshreppi sem haldinn var þriðjudaginn 3. október í félagsheimilinu í Árnesi bar mörg mál á góma. Farið var yfir niðurstöður íbúaþings frá því í júní, stöðuna í Árneshreppi  og rætt um næstu skref í verkefninu.

Á seinni degi Haustþings Fjórðungssambands Vestfirðinga lagði Ísafjarðabær fram tillögu um að þeir  verði leiðandi sveitarfélag í málefnum fatlaðs fólks. Gangi tillagan eftir mun Ísafjarðarbær taka við öllum rekstri málaflokksins með samningum við aðildarsveitarfélögin en metnaður verður lagður í að viðhalda góðri samvinnu, faglegri sýn og að litið verði heildrænt á þjónustu við fatlaða á Vestfjörðum. Því þurfa öll þjónustusvæðin að vinna saman að verðugu markmiði.

Jón Gunnarsson starfandi samgöngu- og sveitarstjórnarráðherra hélt erindi á öðru haustþingi Fjórðungssambands Vestfirðinga. Ræddi hann meðal annars þá nauðsynlegu uppbyggingu innviða sem þarf að eiga sér stað meðal annars í fjarskipta-, samgöngu- og raforkumálum.