Fréttir

Súpufundur verður haldinn á Restaurant Galdri á Hólmavík föstudaginn 9.desember og hefst kl.12:10 (notið gamla innganginn á Galdrasýninguna).

Opnað hefur verið fyrir umsóknir úr Uppbyggingarsjóði Vestfjarða.Umsóknarferlið fer fram rafrænt og er hægt að vista umsókn og vinna meira í henni síðar.

Þriðjudaginn 29. nóvember kl. 13:00 -14:00 verður haldinn fundur fyrir sveitarstjórnarmenn þar sem Erla Björk Þorgeirsdóttir frá Orkustofnun mun ræða raforkumál á Vestfjörðum.   Fundurinn verður haldinn í Fræðslumiðstöð Vestfjarða  á Ísafirði. Fundinum verður varpað út í fjarfundi í Hnyðju á Hólmavík og Skor á Patreksfirði. Klukkan 14:00-16.00 verður svo opin fundur á sama stað um Orkuskipti - rafrænir bílar - kostir og gallar.

Haustið 2014 setti umhverfisráðherra á laggirnar starfshóp um gerð frumvarps til laga um haf og strandsvæðaskipulag, starfshópurinn skilaði tillögu til umhverfisráðherra nú í byrjun nóvember og frumvarpið er nú opið til umsagnar til 9. desember n.k, sjá nánar hér. Sveitarfélög á Vestfjörðum hafa haft forystu í umræðu um mikilvægi strandsvæðaskipulags m.a. höfðu þau frumkvæði að því að gerð nýtingaráætlun Arnarfjaraðar 2012, sem unnið var í samstarfi Fjórðungssambands Vestfirðinga, Háskólaseturs Vestfjarða og Teiknstofunnar Eik,Ísafirði. Sveitarfélögin þrýstu samhliða á að sett yrðu lög um gerð strandsvæðaskipulags.

Sveitarfélögin á Vestfjörðum hafa hlotið silfur vottun frá umhverfisvottunarsamtökunum EarthCheck. Eru þetta mikil gleðitíðindi fyrir sveitarfélögin sem hafa unnið að þessu verkefni undanfarin þrjú árin, en verkefninu hefur verið stýrt af Fjórðungssambandi Vestfirðinga og hefur Lína Björg Tryggvadóttir verið verkefnastjóri þess.

Fjórðungssamband Vestfirðinga boðaði til opins fundar með framboðum í Norðvesturkjördæmi til Alþingiskosninga, um málefni fiskeldis sunnudaginn 16. október kl 20:00 í Edinborgarhúsinu á Ísafirði. Fundurinn var mjög vel sóttur en rúmlega 100 manns sóttu hann víðsvegar af Vestfjörðum.

Fjórðungssamband Vestfirðinga hefur ákveðið að ráða Skúla Gautason í starf menningarfulltrúa en forveri hans Jón Jónsson, lét af störfum í september s.l.. Áætlað er að Skúli komi til starfa í byrjun nóvember n.k. og verður starfstöð menningarfulltrúa eins á áður á Hólmavík.

Fjórðungssamband Vestfirðinga boðar til opins fundar um málefni fiskeldis sunnudaginn 16. október kl 20:00 í Edinborgarhúsinu á Ísafirði.

Byggðasamlag Vestfjarða um málefni fatlaðs fólks vekur athygli á rétti fólks til að sækja um styrki skv. 27. grein laga nr. 59/1992 um málefni fatlaðs fólks, með síðari breytingum. Byggðasamlaginu er heimilt að veita styrk til greiðslu námskostnaðar sem ekki er greiddur samkvæmt ákvæðum annarra laga, enda telst námið hafa gildi sem hæfing eða endurhæfing. Einnig er heimilt að veita þeim sem eru 18 ára og eldri styrk til verkfæra- og tækjakaupa í sambandi við heimavinnu eða sjálfstæða starfsemi, enda teljist starfsemin hafa gildi sem félagsleg hæfing eða endurhæfing sem miði að því að auðvelda fötluðu fólki að skapa sér atvinnu. Umsóknafrestur er til 13. nóvember 2016 og skulu umsóknir berast til félagsþjónustu lögheimilissveitarfélags, umsóknaeyðublöð og reglur um styrki vegna námskostnaðar eða verkfæra- og tækjakaupa eru að finna hjá viðkomandi félagsþjónustu.

Þingsályktun um samgönguáætun 2015-2018 var samþykkt á Alþingi nú dag 12. október. Hér er fagnaðarefni, enda um að ræða mikilvægan áfanga fyrir nýframkvæmdir og endurbyggingu vega á Vestfjörðum, sem beðið hafa nú hátt í þrjú ár að Alþingi staðfesti vilja sinn í málinu. Stærstu framkvæmdirnar eru á vegi um Gufdalssveit, Dýrafjarðargöng, Dynjandisheiði og vegur norður í Árneshrepp. Samþykkt var einnig að leggja til fjármagn til rannsókna á Álftafjarðargöngum